ఒక్క ముద్దు అనిచెప్పి ఎక్కడపడితే అక్కడ కెమెరా.. చేతులెత్తేసిన హీరోయిన్!

గండ హెండతి సినిమాలో

రవి శ్రీవత్స దర్శత్వం వహించిన గండ హెండతి చిత్ర విషయంలో తనకు లైంగిక వేధింపులు ఎదురయ్యాయని సంజన ఇటీవల సంచలన ఆరోపణలు చేసిన సంగతి తెలిసిందే. ముద్దు సన్నివేశాలు, శృంగార సన్నివేశాల పేరుతో దర్శకుడు తనని వేధించాడని సంజన ఘాటు వ్యాఖ్యలు చేసింది. దీనితో కన్నడ చిత్ర పరిశ్రమలో దుమారం మొదలైంది.

ఒకే ముద్దు అని చెప్పి

ఈ చిత్రంలో కేవలం ఒకే ముద్దు ఉంటుందని దర్శకుడు చెప్పారు. ఆ మేరకు మాత్రమే మా మధ్య ఒప్పందం జరిగింది. కానీ చిత్రీకరణ సమయంలో మాత్రం ఎక్కడ పడితే అక్కడ కెమెరాలు పెడుతూ 15 ముద్దు సీన్లు చిత్రీకరించారని సంజన పేర్కొంది. అడ్డు చెబితే నీకు ఇండస్ట్రీలో భవిష్యత్తు ఉండదని బెదిరించారని పేర్కొంది. ఇండస్ట్రీకి కొత్త కావడంతో అప్పుడు నేను ఏమిచేయలేకపోయా అంటూ సంజన మీటూ ఉద్యమం నేపథ్యంలో ఘాటు వ్యాఖ్యలు చేసింది.

కన్నడ ఫిలిం ఛాంబర్

సంజన వ్యాఖ్యలు కన్నడ చిత్ర పరిశ్రమలో ప్రకంపనలు సృష్టించాయి. దర్శకులంతా సంజన కామెంట్స్ విషయంలో ఫిలిం ఛాంబర్ లో సమావేసం నిర్వహించారు. అసత్య ఆరోపణలు చేస్తోందని మండిపడ్డారు. సంజన దిగివచ్చి క్షమాపణలు కోరేవరకు మరే చిత్రంలో ఆమెకు అవకాశం కల్పించకుండదని నిర్ణయం తీసుకున్నారు.

దిగిరాక తప్పలేదు

దీనితో సంజన దిగిరాక తప్పని పరిస్థితి ఏర్పడింది. సంజన చివరకు దర్శకుడు రవి శ్రీవత్సని క్షమాపణలు కోరింది. సంజన క్షమాపణలు చెప్పడంలో నటుడు అంబరీష్ ప్రధాన పాత్ర వహించారు. తన నివాసానికి సంజనని పిలిపించుకునే అంబరీష్ క్షమాపణలు చెప్పాల్సిందిగా ఆమెని ఒప్పించారు. ఈ వివాదం సద్దుమణిగినా.. సంజన తన ఆరోపణల విషయంలో చేతులెత్తేసినట్లు అయింది.