Don't Miss!
- Sports SRHను చూస్తే భయమేస్తోంది- పాక్ దిగ్గజం
- Technology కొత్త సబ్స్క్రిప్షన్ ప్లాన్లను విడుదల చేసిన జియో సినిమా... యాడ్ ఫ్రీ, 4K కంటెంట్ సహా అనేక ప్రయోజనాలు..!
- Lifestyle బీట్రూట్ జ్యూస్ తాగితే ఇన్ని ప్రయోజనాలా..? వారంపాటు తాగితే ఎలాంటి ఫలితముంటుందంటే..?
- News టీడీపీ గెలుపు కష్టమే.. ఎంపీ అభ్యర్థి అభ్యర్థి లావు కృష్ణ దేవరాయలు షాకింగ్ కామెంట్స్
- Automobiles 2024 Jeep Wrangler Facelift Review Video జీప్ రాంగ్లర్ ఫేస్లిఫ్ట్ ఆఫ్రోడర్ ఫుల్ రివ్యూ వీడియో
- Finance ITC: ఐటీసీ ఇన్వెస్టర్లకు శుభవార్త.. !
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
KGF Chapter 2 కోసం మొదలెట్టిన యశ్: బ్యాలెన్స్ వర్క్ కోసం బిజీ అయిన హీరో
భారతదేశ సినీ చరిత్రలోనే ప్రతిష్టాత్మకంగా తెరకెక్కుతోన్న చిత్రం 'కేజీఎఫ్ చాప్టర్ 2'. కన్నడ స్టార్ యశ్ హీరోగా.. టాలెంటెడ్ డైరెక్టర్ ప్రశాంత్ నీల్ దర్శకత్వంలో మూడేళ్ల క్రితం విడుదలై.. అన్ని భాషల్లోనూ భారీ విజయాన్ని అందుకున్న 'కేజీఎఫ్'కు ఇది సీక్వెల్గా వస్తోంది. ఈ మూవీ షూటింగ్ చాలా రోజుల క్రితమే ప్రారంభం అయినా.. అనివార్య కారణాల వల్ల సినిమా పనులన్నీ పూర్తి కాలేదు. ఈ కారణంగానే ముందుగా అనుకున్న తేదీకి సినిమా వచ్చే అవకాశాలూ కనిపించడం లేదు. ఈ నేపథ్యంలో తాజాగా ఈ సినిమా గురించి ఓ ఇంట్రెస్టింగ్ న్యూస్ తెగ చక్కర్లు కొడుతోంది.
చిత్రీకరణ భాగం మొత్తం పూర్తవడంతో 'కేజీఎఫ్ చాప్టర్ 2' పోస్ట్ ప్రొడక్షన్ పనులు ఎప్పుడో ప్రారంభం అయ్యాయి. అంతలోనే కరోనా రెండో దశ రావడంతో అవి కాస్తా వాయిదా పడ్డాయి. ఇక, ఇప్పుడు పరిస్థితులు చక్కబడడంతో ఇటీవలే డబ్బింగ్ పార్ట్ను మొదలు పెట్టారు. ఈ క్రమంలోనే ఇప్పటికే పలువురు నటీనటులు తమ తమ పాత్రలకు గాత్రాన్ని అందించేశారు. తాజా సమాచారం ప్రకారం.. తాజాగా హీరో యశ్ కూడా డబ్బింగ్ను మొదలు పెట్టేశాడట. ప్రస్తుతం బెంగళూరులోని ఓ డబ్బింగ్ థియేటర్లో అతడు డైలాగులు చెబుతున్నట్లు తెలుస్తోంది. దీంతో ఫ్యాన్స్ ఖుషీ అవుతున్నారు.
'కేజీఎఫ్ చాప్టర్ 2'ను అధీరాకు రాఖీ భాయ్కు మధ్య జరిగే పోరాటం నేపథ్యంతో రూపొందించారు. ఆ మధ్య విడుదలైన ఈ మూవీ టీజర్కు భారీ స్థాయిలో రెస్పాన్స్ వచ్చింది. ఫలితంగా ఎన్నో రికార్డులు క్రియేట్ అయ్యాయి. ఎంతో ప్రతిష్టాత్మకంగా తెరకెక్కిన ఈ సినిమాలో బాలీవుడ్ సీనియర్ హీరో సంజయ్ దత్ విలన్గా నటిస్తున్నారు. హొంబళే ఫిల్మ్స్ సంస్థ నిర్మిస్తోన్న ఈ సినిమాలో శ్రీనిధి శెట్టి హీరోయిన్. రవి బస్రూర్ సంగీతం అందిస్తున్నారు.