Don't Miss!
- News జగన్ Vs పవన్, సమర్ధతకు పరీక్ష - దక్కేదెవరికి..!!
- Finance Amazon News: అమెజాన్ సీక్రెట్ స్టోర్.. ప్రాజెక్ట్ క్యూరియాసిటీ వివరాలివే..
- Automobiles కారు ప్రియులకు గుడ్న్యూస్.. భారతీయ మార్కెట్లోకి సరికొత్త కారుతో వస్తోన్న 'ఫోర్డ్'!!
- Lifestyle భార్యా భర్త గొడవపడినా..బంధం బలంగా ముందుకు కొనసాగాలంటే ఇవి పాటించాలి..
- Technology Samsung నుంచి 'Music Frame' స్పీకర్ లు లాంచ్! ప్రత్యేకతలేంటి. ధర వివరాలు
- Sports భారత్.. టీ20 వరల్డ్ కప్ 2024 కొట్టాలంటే: లెజెండరీ ప్లేయర్ సలహా
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
మోహన్లాల్పై నిప్పులు చెరిగిన నటి రేవతి.. సూపర్స్టార్కు ఎదురుదెబ్బ!
మీటూ ఉద్యమంపై అనుచిత వ్యాఖ్యలు చేసిన సూపర్స్టార్ మోహన్లాల్కు విలక్షణ నటి రేవతి షాకిచ్చింది. లైంగిక వేధింపులపై బాధితులు వెల్లడిస్తున్న విషయాలను చులకన చేసి మాట్లాడటం తగదని మోహన్లాల్పై పరోక్షంగా రేవతి నిప్పులు చెరిగింది. ట్విట్టర్లో మోహన్లాల్ కామెంట్లపై అభ్యంతరం తెలుపుతూ తన అభిప్రాయాన్ని వ్యక్తం చేసింది. వివరాల్లోకి వెళితే..
హీరోయిన్లకు ఫ్యాషనైపోయింది
మలయాళ చిత్రం పరిశ్రమలో లైంగిక వేధింపుల్లాంటి ఎలాంటి సమస్యలు లేవు. వాస్తవంగా మీ టూ ఉద్యమం ఉందని కూడా భావించడం లేదు. లైంగిక వేధింపుల ఆరోపణలు అత్యుత్సాహంతో చేస్తున్నారు. ఇలా చేయడం కొందరికి ఫ్యాషన్గా మారింది. జీవితం చాలా చిన్నది. అలాంటి జీవితంలో లైంగిక వేధింపులనేవి ఎప్పుడో ఎక్కడో జరుగడం సహజమే. సినిమాలకే పరిమితం కాదు అని మోహన్ లాల్ అన్నారు.
మీ టూ ఫ్యాషనైపోయింది.. హీరోయిన్లకు చురక.. వివాదంలో మోహన్ లాల్..
మోహన్లాల్పై ట్రోలింగ్
దుబాయ్లో జరిగిన మీడియా సమావేశంలో మోహన్ లాల్ మాట్లాడిన మాటలపై పలు వర్గాల నుంచి అభ్యంతరాలు వ్యక్తమయ్యాయి. సోషల్ మీడియాలో సూపర్స్టార్ భారీగా ట్రోల్ చేశారు. సూపర్ స్టార్ లాంటి వ్యక్తి ఇలా మాట్లాడటం తగునా అని ప్రశ్నించారు. ఈ నేపథ్యంలోనే నటి రేవతి స్పందించారు.
నటి రేవతి నిప్పులు చెరిగి
మోహన్లాల్ మాటలను ఉద్దేశించి రేవతి నిప్పులు చెరిగింది. మీ టూ ఉద్యమం కేవలం ఫ్యాషన్ కోసం చేస్తున్నారని ఓ ప్రముఖ నటుడు వ్యాఖ్యలు చేశాడు. అలా మాట్లాడే వారికి ఆ బాధలో ఉండే తీవ్రతను ఎలా చెప్పాలో అర్ధం కావడం లేదు. మార్స్ నుంచి వచ్చిన వారికి వేధింపులు అంటే ఏంటో తెలియదు. మహిళలు ఎదుర్కొనే ఇలాంటి సవాళ్లను ఇక ఎలా బయటపెడుతాం అని రేవతి ట్వీట్ చేశారు.
మాటలకు కట్టుబడి ఉంటాను
ఇదిలా ఉండగా, మీ టూ ఉద్యమంపై తాను మాట్లాడిన మాటలకు కట్టుబడి ఉంటాను. నేను మాట్లాడిన విషయంలో ఎలాంటి తప్పు లేదని భావిస్తున్నాను. నా దృష్టిలో మీ టూ ఉద్యమం శుద్ద దండుగ. అందులో వాస్తవాలు లేవు. అలా అయితే మహిళల వేధింపులపై పురుషులు కూడా మీ టూ ఉద్యమం చేపట్టాల్సిందే అని మోహన్ లాల్ అన్నారు.