ఆయన మరణంతో ఒంటరినయ్యా.. అందుకే పెళ్లి చేసుకోలేదు.. సితార ఎమోషనల్‌

Recommended Video

Actress Sithara Shocking Secret On Her Marriage

1986లో హీరోయిన్‌గా

సితార కెరీర్ విషయానికి వస్తే.. మలయాళంలో కావేరి అనే చిత్రం ద్వారా 1986లో సినిమా పరిశ్రమకు పరిచయమ్యారు. ఆ తర్వాత విక్రమన్ దర్శకత్వం వహించిన పుదు వసంతం అనే సినిమా ద్వారా తమిళంలోకి ప్రవేశించారు. అలా సినిమాల్లో విభిన్నమైన పాత్రలను పోషిస్తూ టాప్ హీరోలతో కలిసి 100కుపైగా చిత్రాల్లో నటించారు.

యుక్త వయసులో పెళ్లిపై ఆలోచన లేదు

తాను పెళ్లి చేసుకోకపోవడానికి కారణాలను సితార వెల్లడిస్తూ.. యుక్త వయసులో పెళ్లి చూసుకోవద్దని అనుకొన్నాను. అలా సినిమాలతో బిజీగా ఉండి పెళ్లి గురించి ఆలోచించలేదు. అలా ఎప్పటికప్పుడు వాయిదా వేసుకొంటూ వచ్చాను. అంతలోనే నా జీవితం ఒక్క కుదుపుకు లోనైంది. ఆ షాక్‌ నుంచి తేరుకోవడానికి చాలా సమయం పట్టింది అన్నారు.

నాన్న మరణం తర్వాత

నా జీవితంలో నాన్న పరమేశ్వరన్‌ది చాలా కీలకమైన పాత్ర. నాన్నే నాకు ప్రపంచం. అలాంటి వ్యక్తి అనారోగ్యం పాలు కావడం, ఆయనను బతికించుకోవడానికి చాలా కష్టపడ్డాం. కానీ ఆయన మాకు దూరమయ్యారు. దాంతో ఓ రకమైన విషాదంలో కూరుకుపోయాం. ఆ తర్వాత జీవితం పట్ల ఆసక్తి అనిపించలేదు అని సితారా ఎమోషనల్ అయ్యారు.

నాన్న మరణంతో

నాన్న మరణం తర్వాత కోలుకోవడానికి చాలా సమయం పట్టింది. ఆ సమయంలో పెళ్లి విషయం అలా మరుగున పడిపోయింది. జీవితంలో స్థిరపడాలనే ఆశ చచ్చిపోయింది. అలాంటి పరిస్థితుల్లో ఇప్పటికి సింగిల్‌గా మిగిలిపోయాను. ఇక దాని గురించి ఆలోచించడానికి తీరికలేదు, ఆసక్తి కూడా లేదు. ఇక ముందు కూడా పెళ్లి చేసుకొనే ఆలోచన లేదు అని సితార చెప్పారు.

నటిగా బిజీగా మారుతున్న సితార

ప్రస్తుతం మళ్లీ సితార నటనపరంగా బిజీగా మారిపోయారు. మలయాళ, తమిళ, తెలుగులో పలు అవకాశాలను చేజిక్కించుకొంటున్నారు. సినిమాలే కాకుండా టెలివిజన్ సిరియల్స్‌లో నటిస్తున్నారు. నాకు నచ్చిన పాత్రలనే నేను ఎంపిక చేసుకొంటున్నాను. పాత్రల కోసం నేను వెంపర్లాడటం లేదు. మంచివి, నా మనసుకు నచ్చిన పాత్రలే చేస్తున్నాను అని సితార చెప్పాను.