Don't Miss!
- News సీఎం జగన్పై రాళ్లదాడి కేసులో బొండ ఉమ అరెస్ట్..?
- Sports LSG vs CSK: రప్ఫాడించిన రాహుల్... లక్నో ఘన విజయం
- Automobiles వెస్పా 140 వ యానివర్సరీ వేడుకలు.. స్పెషల్ ఎడిషన్ స్కూటర్ లాంచ్..
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
- Technology రియల్మి ప్యాడ్ 2 వైఫై వేరియంట్ సేల్ ప్రారంభం.. రూ.2000 తగ్గింపు.. ఆఫర్ కొన్నిరోజులు మాత్రమే..!!
- Travel తెలంగాణలోని గొంతెమ్మగుట్ట సందర్శనకు బయలుదేరుదామా..?
- Finance Market Closing: మార్కెట్లను వీడిన నిరాశ మేఘాలు.. లాభాల్లో ముగిసిన సెన్సెక్స్-నిఫ్టీ..
లవర్ను పెళ్లి చేసుకోబోతున్న యంగ్ హీరోయిన్.. వరుడు ఎవరంటే.. !
మలయాళ చిత్ర పరిశ్రమలో రాణిస్తున్న వర్థమాన తార మియా జార్జ్ త్వరలోనే పెళ్లికూతురు కాబోతున్నది. కెరీర్ పీక్లో ఉండగానే వివాహం చేసుకోవాలని నిర్ణయం తీసుకోవడం సినీ వర్గాలను ఆశ్చర్యానికి గురిచేసింది. తనకు ఎన్నో ఏళ్లుగా పరిచయం ఉన్న స్నేహితుడిని వివాహం చేసుకోవాలని నిర్ణయం తీసుకోవడం, అందుకు ఆమె కుటుంబ సభ్యుల నుంచి సానుకూల స్పందన రావడంతో పెళ్లికి అడుగులు పడుతున్నాయి. తాజాగా జరిగిన నిశ్చితార్థం వివరాలు..
అందం, అభినయంతో
మలయాళ చిత్ర పరిశ్రమలో మియా జార్జ్ తనదైన శైలిలో ఆకట్టుకొంటున్నారు. అందం, అభినయం కలబోసి ఉన్న ఈ నటి తొలుత టెలివిజన్ రంగంలో కెరీర్ ఆరంభించారు. ఆమె హోస్టుగా కొనసాగుతుండగానే వచ్చిన రెడ్ వైన్, మెమొరీస్ లాంటి అవకాశాలను అందిపుచ్చుకొన్నారు. ఆ చిత్రాల్లో ఆమె ఫెర్ఫార్మెన్స్కు మంచి రెస్పాన్స్ రావడంతో నటిగా కొనసాగారు.
తాజాగా మియా డ్రైవింగ్ లైసెన్స్లో
ఇటీవల కాలంలో ఆర్య సోదరుడు సత్యతో నటించిన ఆమరకావ్యం చిత్రంలోని తన పాత్రకు మంచి ప్రేక్షకాదరణ లభించింది. ఇక తాజాగా విడుదలైన డ్రైవింగ్ లైసెన్స్ సినిమాలో పృథ్వీరాజ్తో కలిసి నటించారు. ఈ చిత్రం మలయాళ చిత్ర పరిశ్రమలో బ్లాక్ బస్టర్ విజయాన్ని నమోదు చేసుకొన్నది.
చిరకాల మిత్రుడితో
అయితే తన చిరకాల మిత్రుడు, వ్యాపారవేత్త అశ్విన్ ఫిలిప్తో మియా జార్జ్ కొంతకాలంగా ప్రేమలో ఉన్నారు. పెద్దల అంగీకారంతో వారిద్దరి నిశ్చిత్తార్థం కేరళలో నిరాడంబరంగా జరిగింది. ఈ నిశ్చితార్థానికి కుటుంబానికి సంబంధించిన అతికొద్ది మంది మాత్రమే హాజరయ్యారు. వాస్తవానికి వీరి నిశ్చితార్థాన్ని కొట్టాయంలో గ్రాండ్గా నిర్వహించాలని ప్లాన్ చేశారు. అయితే కరోనా కారణంగా తమ ప్రయత్నాలను మానుకొన్నారు.
సెప్టెంబర్లో మియా పెళ్లి
ఇక మియా జార్జ్ , అశ్విన్తో పెళ్లికి కూడా ముహుర్తాలు నిశ్చయించినట్టు తెలుస్తున్నది. కరోనా పరిస్థితులు సద్దుమణిగిన తర్వాత పెళ్లి కార్యక్రమం నిర్వహించాలని ప్లాన్ చేసినట్టు సమాచారం. ఈ వేడుకకు పెద్ద ఎత్తున్న సెలబ్రిటీలను ఆహ్వానించేందుకు ప్లాన్ చేస్తున్నారు. అంతా సవ్యంగా సాగితే సెప్టెంబర్లో మియా జార్జ్ పెళ్లి చేయాలని చూస్తున్నట్టు తెలుస్తున్నది.
Recommended Video
విక్రమ్తో కలిసి కోబ్రా చిత్రంలో
ప్రస్తుతం విక్రమ్తో కలిసి కోబ్రా అనే చిత్రంలో మియా జార్జ్ నటిస్తున్నది. ఈ చిత్రానికి అజయ్ జీ దర్శకత్వం వహిస్తున్నారు. ఇక మలయాళంలో ఆమె నటించిన కమనిల్లా చిత్రం విడుదలకు సిద్ధంగా ఉంది. ఈ చిత్రంలో ఆమె పోలీస్ ఆఫీసర్ పాత్రలో నటిస్తున్నారు. లాక్డౌన్ తర్వాత సినిమా హాళ్లలో ప్రదర్శనకు అనుమతి ఇస్తే రిలీజ్ చేయడానికి ఏర్పాట్లు చేస్తున్నారు.