Don't Miss!
- News ఏపీ, తెలంగాణలో అత్యంత ధనవంతురాలు ఆమే
- Finance Elon Musk: ఎలోన్ మస్క్ పర్యటన వాయిదా..ఎందుకంటే..!
- Sports T20 World Cup: రింకూకు షాక్ ఇచ్చిన బీసీసీఐ.. అతని కోసమే వేటు?
- Technology ధర రూ.10 వేల లోపే, 108MP కెమెరాతో కొత్త ఫోన్! లాంచ్, సేల్ వివరాలు
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
తండ్రికి యువ దర్శకుడు పునర్జన్మ.. కాలేయదానంతో రుణం తీర్చుకొన్న కొడుకు!
జన్మనిచ్చిన తల్లిదండ్రుల రుణం తీర్చుకోవడం ప్రతీ ఒక్కరికి అరుదైన అవకాశం. అలాంటి గొప్ప అవకాశం అందరికి అంత సులభంగా లభించదు. తాజాగా మలయాళం చిత్ర పరిశ్రమకు సంబంధించిన యువ దర్శకుడు తన తండ్రి కోసం ప్రాణాలకు తెగించారు. చావు బతుకుల మధ్య నిలిచిన తండ్రికి అవయవ దానం చేసి యువ దర్శకుడు పునర్జన్మను కల్పించడంపై సోషల్ మీడియాలో ప్రశంసలు వెల్లువెత్తుతున్నాయి. యువ దర్శకుడు తండ్రి కోసం ఏం చేశారంటే..
అధిన్ ఒల్లూరు తండ్రికి అనారోగ్యం
మాలీవుడ్లో యువ దర్శకుడు అధిన్ ఒల్లూరు తండ్రి గత కొద్దికాలంగా కాలేయ (లివర్) సంబంధిత వ్యాధితో బాధపడుతున్నారు. ఆయనకు లివర్ ట్రాన్స్ప్లాంటేషన్ జరిగితే తప్ప ఆరోగ్యం తిరిగి మామూలు స్థితికి చేరుకోదని వైద్యులు స్పష్టం చేశారు. దాంతో కాలేయ మార్పిడి తప్పనిసరి అయింది. దాత కోసం ప్రయత్నాలు విస్తృతంగా చేసినా ఫలితం దక్కలేదు.
దాతలు దొరకకపోవడంతో స్వయంగా
దాంతో అధీన్ ఒల్లూరు సాహోసోపేతమైన నిర్ణయాన్ని తీసుకొన్నారు. తన తండ్రికి స్వయంగా తానే కాలేయ దానం చేయడానికి ముందుకొచ్చారు. దాంతో వైద్యులు కాలేయ మార్పిడి చికిత్సను పూర్తి చేశారు. ప్రస్తుతం అధీన్ ఒల్లూరు తండ్రి ఆరోగ్య పరిస్థితి మెరుగ్గా ఉన్నట్టు తెలుస్తున్నది. ఈ విషయాన్ని స్వయంగా అధీన్ తన ఫేస్బుక్లో పేర్కొన్నాడు.
నా తండ్రికి కాలేయదానం చేసే లక్కీ ఛాన్స్
నా తండ్రికి కాలేయం దానం చేసే లక్కీ ఛాన్స్ వచ్చిందనే విషయాన్ని తెలియజేయడానికి చాలా సంతోషంగా ఉంది. మే 18న సర్జరీ జరిగింది. నేను, నా తండ్రి ఇద్దరం ఆరోగ్యంగా ఉన్నాం. హాస్పిటల్ నుంచి కొద్ది రోజుల క్రితం డిశ్చార్జి అయి ఇంటికి వచ్చాం. నా స్నేహితులు, సన్నిహితులు చేసిన ప్రార్థనలు ఫలించాయి అని అధీన్ తన ఫేస్బుక్లో తెలిపారు.
నాకు నైతిక మద్దతు ఇచ్చిన వారికి..
నా జీవితంలో విపత్కరమైన సవాల్ను ఎదుర్కొంటున్న సమయంలో నాకు నైతిక మద్దతు ఇచ్చిన ప్రతీ ఒక్కరికి నా ధన్యవాదాలు. నా తండ్రికి పునర్జన్మను ఇచ్చిన వైద్యులుకు జీవితాతం రుణపడి ఉంటాను. అవయవ దానం విశిష్టతను తెలుసుకొన్నాను. అవయవదానం అంటే మరొకరికి జన్మినివ్వడమే.. కాబట్టి మీరు కూడా అవయవ దానం చేయండి అంటూ ఫేస్బుక్లో పోస్ట్ చేసి వెల్లడించారు.
అధిన్ కెరీర్ ఇలా..
అధిన్ కెరీర్ విషయానికి వస్తే.. మలయాళంలో పెన్నన్వేషనమ్ అనే చిత్రం ద్వారా పరిశ్రమలోకి ప్రవేశిస్తున్నారు. ఈ చిత్రం శరవేగంగా షూటింగ్ జరుపుకొంటున్న సమయంలో లాక్ డౌన్ విధించారు. దాంతో సినిమా షూటింగ్ వాయిదా పడింది. ఇటీవల రిలీజ్ చేసిన ఫస్ట్ లుక్ పోస్టర్కు మలయాళ ప్రేక్షకుల నుంచి విశేష ఆదరణ లభించింది.