Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
షకీలా లవ్ లెటర్: నిర్మాత రిప్లై ఇచ్చాడు, ఏం జరిగిందంటే..
దక్షిణాది సినీ ఇండస్ట్రీని 90ల్లో తన శృంగార చిత్రాలతో ఓ ఊపు ఊపిన తార షకీలా. అప్పట్లో ఆమె సినిమా వస్తుందంటే స్టార్ హీరోలు సైతం తమ సినిమాలను వాయిదా వేసుకునే పరిస్థితి ఉండేది. ఇండస్ట్రీలో తన హవా కొనసాగిన రోజుల్లో ఎంతో మంది మనసు దోచిన షకీలా హృదయాన్ని కూడా ఓ నటుడు, నిర్మాత దోచేశాడట.
ఇటీవల ఓ టీవీ షోలో పాల్గొన్న సందర్భంగా ఆమె ఈ విషయం చెప్పుకొచ్చారు. మలయాళ నటుడు, ర్మాత మనియన్పిల్ల రాజును షకీలా ప్రేమించిందట. తన మనసులోని ప్రేమను వ్యక్తీకరిస్తూ లవ్ లెటర్ కూడా పంపినట్లు ఆమె వెల్లడించారు.
మోహన్ లాల్ మూవీ సమయంలో
మోహన్ లాల్ హీరోగా రూపొందిన ‘చోటా ముంబై' సినిమాను మనియన్పిల్ల రాజు నిర్మించారు. ఈ సినిమాలో ఓ పాత్ర పోషించిన షకీలా అతడిపై మోజు పెంచుకుంది. ఈ క్రమంలోనే తన మనసులోని మాటను చెబుతూ లవ్ లెటర్ రాసిందట.
డబ్బు సాయం చేశాడు
ఈ సినిమా షూటింగ్ సమయంలో షకీలా తల్లి అనారోగ్యానికి గురైంది. అప్పుడు డబ్బు అవసరం పడటంతో నిర్మాత రాజును సహాయం కోరిందట. ఇంకా అప్పటికీ షకీలా షూటింగ్ పార్ట్ కూడా పూర్తికాలేదు. అయినప్పటికీ డబ్బు సహాయం చేయడంతో అతడి మంచి తనం చూసి షకీలాకు ఇష్టం, ప్రేమ పెరిగిందట.
రిప్లై ఇవ్వలేదు
అప్పటి నుంచే మనియన్పిల్ల రాజును షకీలా ప్రేమించడం మొదలు పెట్టింది. అతడికి లవ్ లెటర్ రాసిన రాజు నుంచి మాత్రం ఎలాంటి రిప్లై రాలేదట. ప్రస్తుతం ఈ న్యూస్ సోషల్ మీడియాలో వైరల్ అయింది. అతడు షకీలా లవ్ లెటర్ మీద ఎందుకు స్పందించలేదు అనేది తెలుసుకోవడానికి నెటిజన్లు ఆసక్తి చూపుతున్న నేపథ్యంలో రాజు స్పందించారు.
ఎట్టకేలకు స్పందించిన నిర్మాత
‘‘షకీలా తల్లి అనారోగ్యంతో ఆసుపత్రి పాలవ్వడంతో నేను డబ్బు సాయం చేసిన మాట నిజమే. అయితే ఆమె నన్ను ప్రేమించిన విషయం మాత్రం నాకు తెలియదు. షకీలా తన సొంత వెహికిల్లో షూటింగుకు వచ్చేది. షూటింగ్ పూర్తవ్వగానే తిరిగి వెళ్లిపోయేది. ఆవిడ నుంచి నేను ఎలాంటి ప్రేమ లేఖ అందుకోలేదు' అని మనియన్పిల్ల రాజు స్పష్టం చేశారు.