యంగ్ టైగర్ ఎన్టీఆర్, సూపర్ స్టార్ రజని.. ఇద్దరూ ఒకే సినిమా కోసం!

ఆసక్తి రేపుతున్న ఒడియాన్

మలయాళీ సూపర్ స్టార్ మోహన్ లాల్ నటించిన తాజా చిత్రం ఒడియాన్. శ్రీకుమార్ మీనన్ దర్శత్వంలో తెరకెక్కిన ఈ చిత్రం భారీ బడ్జెట్ లో నిర్మించబడింది. ఇటీవల విడుదలైన ట్రైలర్ సినిమాపై అంచనాలు మరింత పెరిగేలా చేసింది. ఈ చిత్రంలో మోహన్ లాల్ విభిన్నమైన పాత్రలో కనిపించబోతున్నాడు.

జంతు లక్షణాలతో

ఈ చిత్రంలో మోహన్ లాల్ జంతు లక్షణాలతో నటిస్తాడట. పగలు ఒకలా, రాత్రి ఒకలా ప్రవర్తించే ఛాలెంజింగ్ రోల్ లో మోహన్ లాల్ అద్భుతంగా నటించినట్లు తెలుస్తోంది. కేరళలో జరిగిన కొన్ని యధార్థ సంఘటనల ఆధారంగా ఈ చిత్రాన్ని రూపొందించినట్లు తెలుస్తోంది.

ఎన్టీఆర్ వాయిస్ ఓవర్

ఈ చిత్రాన్ని మలయాళ, తెలుగు, తమిళ భాషల్లో ఒకేసారి విడుదల చేయనున్నట్లు తెలుస్తోంది. మళయాలంలో ఈ చిత్రానికి స్టార్ హీరో మమ్ముట్టి వాయిస్ ఓవర్ అందించనున్నారట. తెలుగులో యంగ్ టైగర్ ఎన్టీఆర్, తమిళంలో సూపర్ స్టార్ రజనీ ఒడియాన్ చిత్రానికి వాయిస్ ఓవర్ అందించనున్నట్లు ప్రచారం జరుగుతోంది.

జనతా గ్యారేజ్ చిత్రంతో అనుబంధం

ఎన్టీఆర్, మోహన్ లాల్ మధ్య జనతా గ్యారేజ్ చిత్రంతో అనుబంధం ఏర్పడింది. మోహన్ లాల్, ఎన్టీఆర్ కలసి నటించిన జనతా గ్యారేజ్ చిత్రం మంచి విజయం సాధించింది. ఒడియాన్ చిత్రాన్ని త్వరలో విడుదల చేసేందుకు సన్నాహకాలు చేస్తున్నారు.