సినీ నటి ఫొటోలు మార్ఫింగ్.. సోషల్ మీడియాలో లీక్.. నీచమైన చేష్టలు..

జిప్సా బేగం ఫోటోలు మార్ఫింగ్

ఓరు అధార్ లవ్ చిత్రంలో నటించిన జిప్సా బేగం అనే నటి ఫోటోలు మార్ఫింగ్‌కు గురయ్యాయి. అంతేకాకుండా వాటిని ఆన్‌లైన్‌లో లీక్ చేయడంతో వివాదంగా మారింది. అయితే అలాంటి నీచమైన చేష్టలు నన్ను బాధపెట్టవు అని జిప్సా స్పష్టం చేసింది.

నిందితులకు బుద్ధి చెప్పాలి

సైబర్ క్రైమ్ బారిన పడిన వ్యక్తుల్లో నేనే మొదటి వ్యక్తిని కాను. నా ఫొటోలు మార్ఫింగ్ చేసి వివాదం చేయడాన్ని నేను పట్టించుకొను. నా పర్సనాలిటీ నాకు ఉంటుంది. మార్పింగ్ చేసిన ఫోటోలను చూసిన వారు.. అందుకు పాల్పడిన వారిని దుమ్ము దులిపేయాలి. నన్ను అవమానించిన వారికి తగిన బుద్ధి చెప్పాలి.

నీచమైన చేష్టలు బాధపెట్టవు

నా ఫోటోలను మార్ఫింగ్ చేసిన వారికి నేను ఒక్కటే చెప్పాలని ఉంది. నన్ను అశ్లీలంగా చూపించి ఆనందం పడటం వల్ల నేను బాధపడను. నన్ను ఇష్టపడే వారు కూడా ఆందోళనకు గురికారు.

సైబర్ క్రైమ్ పోలీసులకు ఫిర్యాదు

నా ఫోటోలను మార్ఫింగ్ చేసిన అంశాన్ని సైబర్ క్రైమ్ పోలీసుల దృష్టికి తీసుకెళ్తాను. నాకు జరిగిన అవమానంపై వారికి ఫిర్యాదు చేస్తాను. చట్టప్రకారం నిందితులపై తగిన చర్యలు తీసుకోవాలని పోలీసులను కోరుతాను అని జిప్సా బేగం వెల్లడించింది.