విభేదాలు నిజమే... మోహన్‌లాల్‌కు వ్యతిరేకంగా సంతకం పెట్టలేదు: ప్రకాష్ రాజ్

నేను సంతకం పెట్టలేదని చెప్పిన ప్రకాష్ రాజ్

మోహన్‌లాల్‌కు వ్యతిరేకంగా కేరళ ప్రభుత్వానికి సమర్పించిన లేఖలో తాను సంతకం పెట్టినట్లు వస్తున్న వార్తల్లో నిజం లేదని, ఇది పూర్తిగ అబద్దమని ప్రకాష్ రాజ్ తెలిపారు.

విభేదాలు నిజమే కానీ..

నటుడు దిలీప్ విషయంలో మూవీ ఆర్టిస్ట్ అసోసియేషన్ తీసుకున్న నిర్ణయంపై తనకు విభేదాలు ఉన్నాయి కానీ.... మోహన్ లాల్‌కు వ్యతిరేకంగా తాను ఎలాంటి లేఖపై సంతకం పెట్టలేదన్నారు.

వీడియో ద్వారా క్లారిఫై చేసిన ప్రకాష్ రాజ్

ఈ ఇష్యూలో తన అభిప్రాయాన్ని స్పష్టం చేస్తూ ప్రకాష రాజ్ వీడియో విడుదల చేశారు.

ప్రకాష్ రాజ్ పేరు తెరపైకి ఎలా వచ్చింది?

మోహన్ లాల్‌ను స్టేట్ ఫిల్మ్ అవార్డ్ ఫంక్షన్‌కు ఆహ్వానించవద్దంటూ జాతీయ అవార్డు గ్రహీత, దర్శకుడు బిజూకుమార్ దామోదరన్ రాష్ట్ర ప్రభుత్వానికి ఓ లేఖ రాశారు. ఈ లేఖకు వందకు పైగా నటులు తమ మద్దతు తెలిపారని, వారిలో నటుడు ప్రకాశ్ రాజ్ కూడా ఉన్నట్లు చెప్పడంతో.... ఈ విషయం సోషల్ మీడియాలో వైరల్ అవ్వడం, చివరకు ప్రకాష్ రాజ్ స్పందించడం జరిగింది.