సైలెంట్​గా గుడిలో పెళ్లి చేసుకున్న హీరో.. ఆపై గుడిలోనే అలాంటి పనులు చేస్తూ వీడియో పోస్ట్!

ఫిల్మ్ ఇండస్ట్రీలో ఈ మధ్య డివొర్స్ కన్నా ఎక్కువగా పెళ్లిల వార్తలు ఎక్కువగా వినిపిస్తున్నాయి. చిన్న చిన్న నటుల నుంచి స్టార్ యాక్టర్స్​ వరకు చాలా మంది వివాహ బంధంతో ఒక్కటవుతున్నారు. ఈ రెండు మూడు రోజుల్లోనే దర్శకుడు శంకర్ కూతురు నిశ్చితార్థం, సీనియర్ నటుడు విజయ్ కుమార్ మనవరాలి పెళ్లి, టాలీవుడ్ హీరోయిన్ దివ్య.. ఇలా వరుసగా అందరూ పెళ్లి పీటలెక్కుతున్నారు. తాజాగా మరో హీరో కూడా మూడుముళ్ల బంధంతో ఒక్కటయ్యారు. సైలెంట్​గా గుడిలో పెళ్లి చేసుకుని, ఆపై గుడిలోనే అలాంటి వీడియోను పోస్ట్ చేసి ప్రేక్షకులకు, అభిమానులకు షాక్ ఇచ్చారు. ప్రస్తుతం ఆ వీడియో కూడా నెట్టింట్లో బాగా చక్కర్లు కొడుతోంది దాని గురించే ఈ కథనం...

ప్రముఖ నటుడు సుదేవ్ నాయర్ ఈ పేరు చెప్పగానే ఎవరో గుర్తుపట్టకపోవచ్చు. ఆయన మలయాళంలోని పలు చిత్రాల్లో హీరోగా నటించారు. తెలుగులో మాస్ మహారాజా నటించిన టైగర్ నాగేశ్వరరావు చిత్రంతో నటుడిగా ఎంట్రీ ఇచ్చారు. ఆ సినిమాలో ఎమ్మెల్యే బావమరిది కాశీ పాత్రలో నటించి మెప్పించారు. ఇక హీరో నితిన్ రీసెంట్ రిలీజ్ మూవీ ఎక్స్ట్రా ఆర్డినరీ మాన్ చిత్రంలో నీరో అనే విలన్ పాత్రలో నటించి ఆకట్టుకున్నారు. అయితే మరి ఈయన విలన్​ కదా? హీరో అంటారు ఏంటి అని అనుకుంటారేమో. ఇక్కడ విలన్​గా పరిచయమైన ఈయన మలయాళ భాషలోని పలు చిత్రాల్లో హీరోగా కూడా నటించి మెప్పించారు. ఇతర హీరోల చిత్రాల్లో పలు కీలక పాత్రలు కూడా పోషించారు.

ఈయన తాజాగా సైలెంట్​గా పెళ్లి చేసుకున్నారు. తన ప్రేయసి, మోడల్ అమర్‌దీప్ కౌర్​ను వివాహం చేసుకున్నారు. సుదీప్, అమర్‌దీప్‌లు చాలా కాలంగా ప్రేమలో ఉన్నారు. ఈ క్రమంలోనే తాజాగా గురువాయూర్‌లో గుడిలో వీరి వివాహాం జరిగింది. దగ్గరి బంధువులు, స్నేహితులు సమక్షంలో ఈ వివాహ వేడుక సింపుల్​గా జరిగింది. కాగా, అమర్‌దీప్ కౌర్ 1992లో గుజరాత్‌లో జన్మించారు. ఈమె ఓ ఫేమస్​ మోడల్. అనేక అందాల పోటీలలో విజేతగా కూడా నిలిచింది. తాజాగా పెళ్లి చేసుకున్న వీడియో వీరు సోషల్ మీడియాలో పోస్ట్ చేశారు. గుడిలో పెళ్లి చేసుకుని ఫొటోలకు పోజులిచ్చారు. ఇక ఆ వీడియో చివర్లో నూతన వధూవరులిద్దరూ సరదాగా నవ్వుతూ చిన్నగా డ్యాన్స్ వేస్తూ కనిపించి ఆకట్టుకున్నారు.

ఇకపోతే సౌమిక్ సేన్ డైరెక్ట్ చేసిన హిందీ చిత్రం గులాబ్ గ్యాంగ్ (2014)తో వెండితెర అరంగేట్రం చేశారు సుదేవ్ నాయర్​. ఆ తర్వాత మై లైఫ్ పార్టనర్, కరీంగున్నం సిక్సెస్, అనార్కలి, కాయంకుళం కొచ్చున్ని, ఎజ్రా, మైఖేల్, అబ్రహం సన్స్, మామాంగం, అతిరన్, భీష్మపర్వం, వన్, నైన్టీన్ సెంచరీ, తురముగం వంటి చిత్రాల్లో నటించారు. ఈ చిత్రాలన్నీ ఆయనకు మంచి పేరు తెచ్చిపెట్టాయి. ఉత్తమ నటుడిగా రాష్ట్ర అవార్డు కూడా అందుకున్నారు.

సుదేవ్ నాయర్​ పాలక్కాడ్ వాసులు విజయకుమార్ - శుభద దంపతులకు జన్మించారు. ముంబయిలో పుట్టి పెరిగారు. సినిమాల మీద ఆసక్తితో ఓ ఫిల్మ్​ ఇన్​స్టిట్యూట్​లో యాక్టింగ్ కోర్స్ చేశారు. పుణేలోని ఫిల్మ్ అండ్ టెలివిజన్ ఇన్స్టిట్యూట్ ఆఫ్ ఇండియా నుంచి యాక్టింగ్ కోర్స్​లో పోస్ట్ గ్రాడ్యుయేట్ చేశారు. అలాగే బ్రేక్ డ్యాన్స్, బాక్సింగ్, పార్కర్, జూడో, కరాటే, కలరీ పాయట్ వంటి వాటిలో శిక్షణ కూడా తీసుకున్నారు. 2001 అండర్-16 నేషనల్ గేమ్స్ హైజంప్‌లో బ్రాంజ్ మెడల్​ను సంపాదించుకున్నారు.