హీరోగా నటిస్తావా? రెహ్మాన్ క్రేజీ సమాధానం... ఆపితే ఆగేది లేదు.. వైరల్‌గా మార్వెల్ ఆంథెమ్

ఆగేది లేదు ఎవరన్నా ఆపాలనుకొన్నా

అంతులేని ఆ అంతరిక్షమే దాటి.. శూన్యంలో కనిపించే అంటూ ఏఆర్ రెహ్మాన్ ఆగేది లేదు.. ఎవరైనా ఆపాలనుకొన్న అనే పాట సంగీత ప్రియులను విశేషంగా ఆకర్షిస్తున్నది. తెలుగులో స్వయంగా ఈ పాటను రెహ్మన్ పాడటం విశేషం. అవెంజర్స్ ఇన్ఫిఫినిటీ వార్ ఘన విజయం తర్వాత అవెంజర్స్: ఎండ్ గేమ్‌పై భారీ అంచనాలు నెలకొన్నాయి.

హీరోలను తలదన్నేలా ఉన్నావు

మార్వెల్ ఆంథెమ్ రిలీజ్‌ను పురస్కరించుకొని ఏఆర్ రెహ్మన్‌కు సంబంధించిన ఫోటోలను తన ఇన్స్‌టాగ్రామ్‌లో పోస్టు చేశారు. హీరోలను తలదన్నేలా ఉన్నావు.. తెరమీద హీరోగా కనిపిస్తావా అని ఓ వీరాభిమాని ప్రశ్నించగా.. అంత ఆశ నాకు లేదు.. సినిమాలో నటించను అని రెహ్మన్ పేర్కొన్నారు.

అన్ని భాషల్లోనూ ఆల్బమ్ కేక

మార్వెల్ ఆంథెమ్‌ వీడియో ఆల్బమ్ మ్యూజిక్ లవర్స్‌ను విశేషంగా ఆకట్టుకొంటున్నది. దాదాపు హిందీ, తమిళ, తెలుగు, కన్నడ భాషల్లో ఈ ఆల్బమ్‌ను రిలీజ్ చేయగా.. అన్ని భాషల్లో మంచి స్పందన కనిపిస్తున్నది. ఈ ఆల్బమ్‌ చిత్రీకరణ చాలా బాగుంది. ప్రత్యేకించి రెహ్మన్ జోష్ మరింత ఆకట్టుకొన్నది.

ఏప్రిల్ 26న అవెంజర్స్: ఎండ్ గేమ్ విడుదల

22 భాగాల అవెంజర్స్ సిరీస్‌తో చిట్టచివరిదిగా భావిస్తున్న అవెంజర్స్: ఎండ్ గేమ్ ఏప్రిల్ 26న రిలీజ్ అవుతున్నది. థానోస్ నుంచి విశ్వాన్ని రక్షించేందుకు భూమి మీద మిగిలిన అవెంజర్ష్‌తో కెప్టెన్ కెప్టెన్ మార్వెల్ కలువడం ఈ సినిమా కథ. ఈ చిత్రంలో టోని స్టార్క్‌గా రాబర్ట్ డోనీ,కెప్టెన్ అమెరికాగా క్రిస్ ఇవన్స్ నటించారు.