Click it and Unblock the Notifications
అల వైకుంఠపురంలో మూవీ మరో అరుదైన రికార్డు.. సంతోషంలో పూజా హెగ్డే
స్టైలిష్ స్టార్ అల్లు అర్జున్, మాటల మాంత్రికుడు త్రివిక్రమ్ శ్రీనివాస్ కాంబినేషన్లో వచ్చిన అల వైకుంఠపురంలో చిత్రం హావా ఇంకా కొనసాగుతూనే ఉంది. ఈ చిత్రానికి సంబంధించిన పాటలు ఇంకా అన్ని రకాల సోషల్ మీడియా ఫ్లాట్ఫాంలో సందడి చేస్తున్నాయి. తాజాగా 2020లో యూట్యూబ్లో సందడి చేసిన మ్యూజిక్ వీడియోల జాబితా బయటకు వెల్లడించారు. ఈ టాప్ 10 జాబితాలో అల వైకుంఠపురంలో చిత్రానికి రెండుస్థానాలు దక్కాయి.
2020లో యూట్యూబ్లో అత్యధికంగా వ్యూస్ సాధించిన పాటల్లో బుట్ట బొమ్మ పాట మూడోస్థానంలో నిలిచింది. అలాగే ఈ చిత్రంలోని మరో పాట రాములో రాములా పాట 8వ స్థానంలో నిలువడం విశేషంగా మారింది.
ఈ సందర్భంగా గీతా ఆర్ట్స్ ట్వీట్ చేస్తూ.. బుట్టబొమ్మ, రాములో రాములా పాటలు 2020లో యూట్యూబ్ రికార్డులను తిరగరాశాయి. టాప్ 10 మ్యూజిక్ వీడియోలో రెండు స్థానాలను ఈ సినిమా సాధించింది అంటూ తమ సంతోషాన్ని వ్యక్తం చేసింది.
గీతా ఆర్ట్స్ ట్వీట్పై స్పందిస్తూ.. 10లో రెండు స్థానాలు రావడం గొప్పగా ఉంది. అత్యంత ప్రేక్షకాదరణ ఉన్న ఫ్లాట్ఫాంలో ఈ గౌరవం దక్కడం సంతోషంగా ఉంది. ఇలాంటి గొప్ప అనుభూతిని పంచిన ఫ్యాన్స్ థ్యాంక్స్ అని పూజా హెగ్డే ట్వీట్ చేశారు.
Continue with Google