10 నిమిషాలకు 1.5 కోట్ల రెమ్యునరేషన్.. ఆ సినిమా సెలబ్రిటీ ఆస్తులు ఎన్ని వందల కోట్లో తెలుసా?

సెలబ్రిటీల గురించి తెలుసుకోవడానికి ప్రేక్షకులు ఎప్పుడు ఆసక్తి చూపిస్తూనే ఉంటారు. ఆ స్టార్ హీరో ఎంత సంపాదించాడు.. ఈ హీరోయిన్ ఆస్తి ఎంత.. ? ఇలా మాట్లాడుకుంటూనే ఉంటారు. ముఖ్యంగా అత్యధిక పారితోషికం అందుకుంటున్న సెలబ్రిటీ ఎవరు అనేది ఎప్పటికప్పుడు ప్రేక్షకులు తెలుసుకోవాలని చూస్తూ ఉంటారు.బాలీవుడ్ లో అయితే షారుఖ్ ఖాన్, అక్షయ్ కుమార్.. వీరు తీసుకుంటారేమో అని అనుకుంటే పొరపాటే. అవును..హీరోలు , హీరోయిన్స్ ను మించి ఒక స్టార్ సెలబ్రిటీ అత్యధిక పారితోషికం అందుకుంటున్న సెలబ్రిటీగా గుర్తింపు తెచ్చుకున్నాడు. అతడు ఎవరో కాదు మికా సింగ్.

ఇక ఈ పేరు తెలుగువారు కూడా వినే ఉంటారు. మికా సింగ్ ఒక ప్రముఖ సింగర్, ర్యాపర్, మ్యుజిషియన్ అండ్ నటుడు కూడా. అతని పూర్తి పేరు అమ్రిక్ సింగ్. పుట్టింది పశ్చిమ బెంగాల్ లో అయినా.. పెరిగింది మాత్రం బీహార్ లోనే. తల్లిదండ్రులిద్దరూ సంగీతాభిమానులు కావడం వల్ల మికా కూడా ఆ రంగం పట్ల ఆకర్షితుడయ్యాడు. బాల్యం నుండి పాట్నా సాహిబ్ గురుద్వారాలో కీర్తనలు పాడేవాడు. అతని సోదరుడు దలేర్ మెహదీ కూడా స్టార్ సింగరే. 2006 లో దిల్ మే బాజీ గిటార్ అనే సాంగ్ తో అతడి ప్రస్థానం మొదలయ్యింది. తర్వాత ఎన్నో మంచి చిత్రాల్లో మికా తన వాయిస్ ను వినిపించాడు.

మికా తన శక్తివంతమైన వాయిస్ మరియు గ్రూవీ ట్రాక్‌లతో అభిమానుల హృదయాలను గెలుచుకున్నాడు. భారతీయ సంగీత పరిశ్రమలో డైనమిక్ మరియు ప్రభావవంతమైన వ్యక్తిగా, అతను విలక్షణమైన వాయిస్ తో ప్రసిద్ధి చెందాడు. రెండు దశాబ్దాల పాటు సాగిన కెరీర్‌లో మికా సింగ్ అనేక చార్ట్-టాపింగ్ హిట్‌లను అందించడమే కాకుండా, సమకాలీన భారతీయ సంగీతం యొక్క ల్యాండ్‌స్కేప్‌ను పునర్నిర్వచించాడు. 'కింగ్ ఆఫ్ బాలీవుడ్ మ్యూజిక్' అనే బిరుదును అందుకున్నాడు. తెలుగులో కూడా మూడు పాటలు పాడి మెప్పించాడు. అదుర్స్ లో పిల్ల నా వల్ల కాదు.. ప్రభాస్ మిర్చిలో యాహూ యాహూ సన్గ్ పాడింది మికానే.. ఇది కాకుండా బలుపులో ఒక సాంగ్ పాడి మెప్పించాడు.

ఇక సింగర్ గానే కాకుండా మికా నటుడుగా కూడా చాలామందిఐ పరిచయం. ముఖ్యంగా రియాలిటీ షోస్ లలో పాల్గొని తనదైన సత్తాను చూపించి అందరికి ఫేవరేట్ గా మారాడు.ఝలక్ దిఖ్లా జా 2 మరియు ఇస్ జంగిల్ సే ముజే బచావోలో మికా కంటెస్టెంట్ గా పాల్గొన్నాడు. అతని సోలో సావన్ మే లాగ్ గయీ ఆగ్ హిట్ అయినప్పటి నుండి మికా సింగ్ విజయవంతంగా తనకంటూ ఒక సముచిత స్థానాన్ని ఏర్పరుచుకున్నాడు. ఒక్కో పాటకు మికా రూ.20-22 లక్షలు తీసుకుంటున్నట్లు సమాచారం. ఈ మధ్య రాధికా మర్చంట్ ఎంగేజ్ మెంట్ వేడుకల్లో మికా ప్రదర్శనకు భారీ మొత్తం అందుకున్నాడు. కేవలం 10 నిమిషాల ప్రదర్శన కోసం రూ. 1.5 కోట్లు వసూలు చేసిన సింగర్ గా రికార్డ్ సృష్టించాడు.

మికా నికర ఆస్తుల విలువ దాదాపు రూ. 450 కోట్లు కోట్లు అని సమాచారం. అతనికి 7 పడవలు మరియు 10 గుర్రాలు కలిగి ఉన్న ఒక ప్రైవేట్ ఐల్యాండ్ కూడా ఉంది. ముంబైలోని కపిల్ శర్మ ఉన్న భవనంలోనే అతను డ్యూప్లెక్స్ అపార్ట్‌మెంట్‌లో నివసిస్తున్నాడు. అతని విలాసవంతమైన జీవనశైలిలో అనేక లగ్జరీ కార్లు మరియు ఒక ప్రైవేట్ జెట్ కూడా ఉన్నాయి.

హమ్మర్ H3, లంబోర్ఘిని గల్లార్డో మరియు ఫోర్డ్ ముస్టాంగ్ లాంటి లగ్జరీ కార్లు ఉన్నాయి. ఇన్‌స్టాగ్రామ్‌లో 14.9 మిలియన్ల మంది ఫాలోవర్లతో, మికా సింగ్ పరిశ్రమలో చాలా ప్రజాదరణ పొందింది. అతని ఎంగేజింగ్ పోస్ట్‌లు మరియు అభిమానులతో ఇంటరాక్షన్స్ అతన్ని లైమ్‌లైట్‌లో ఉంచుతున్నాయి. స్టార్ హీరోలు సైతం ఇతడి వెనుకనే ఉన్నారు.