మహర్షి మరో సెన్సేషన్.. ‘నువ్వే సమస్తం.. నువ్వే సిద్ధాంతం..’ అంటున్న మహేష్

మహర్షి సెకండ్ సింగిల్‌కు మంచి రెస్పాన్స్

మహర్షి సింగిల్స్‌కు అనూహ్యమైన స్పందన వస్తున్నది. ఇంతకుముందే విడుదైలెన ఈ సినిమాలోని ఫస్ట్ సింగిల్ ‘ఛోటి ఛోటి ఛోటి బాతే.. మీటి మీటి మీటి యాదే' యూత్‌కి బాగా కనెక్ట్ అయింది, శ్రోతలను విశేషంగా ఆకట్టుకుంటోంది. ఇదిలా ఉండగా ఏప్రిల్ 12న ‘మహర్షి' చిత్రానికి సంబంధించిన సెకండ్ సింగిల్‌ను విడుదల చేశారు.

ఆకట్టుకునేలా నువ్వే సమస్తం.. నువ్వే సిద్దాంతం

‘నువ్వే సమస్తం.. నువ్వే సిద్ధాంతం....నువ్వే నీపంతం, నువ్వేలే అనంతం.. ప్రతి నిసీ మసై.. నీలో కసే దిశై.. అడుగేైసెయ్ మిసైలులా... అంటూ శ్రీమణి రాసిన పాటను దేవిశ్రీప్రసాద్ స్వరపరచగా, యాజిన్ నిజార్ ఎంతో ఉద్వేగంతో గానం చేశారు. శ్రీమణి సాహిత్యం, దేవిశ్రీప్రసాద్ సంగీతం అందర్నీ ఆకట్టుకునేలా ఉండడం వల్ల ఈ పాట మరో సెన్సేషన్ క్రియేట్ చేస్తుందనడంలో ఎలాంటి సందేహం లేదు.

మహర్షి టీజర్‌ దూకుడు

మహర్షి చిత్రానికి సంబంధించిన టీజర్ ఉగాది కానుకగా విడుదలై కొన్ని గంటల్లోనే 16 మిలియన్ రియల్ టైమ్ వ్యూస్ సాధించి ఆల్‌టైమ్ రికార్డును క్రియేట్ చేసింది. ఇప్పటి వరకు ఈ టీజర్ 16,647,461 వ్యూస్ సాధించింది. సుమారు నాలుగు లక్షల లైక్స్ రావడం గమనార్హం.

సాంకేతిక నిపుణులు

దేవిశ్రీప్రసాద్ సంగీతాన్ని అందిస్తున్న ఈ సూపర్ మూవీకి కె.యు.మోహనన్ సినిమాటోగ్రఫీ నిర్వహిస్తున్నారు. హరి, సాల్మన్, సునీల్‌బాబు, కె.ఎల్.ప్రవీణ్, రాజు సుందరం, శ్రీమణి, రామ్-లక్ష్మణ్ పనిచేస్తున్న ముఖ్య సాంకేతికవర్గం. దర్శకత్వం: వంశీ పైడిపల్లి.