సూర్యుడివో చంద్రుడివో.. ఫ్యామిలీ టచ్ ఇచ్చిన ‘సరిలేరు’

ఏకిపారేసిన నెటిజన్లు..

మైండ్ బ్లాక్ అంటూ మాస్ బీట్‌ను విడుదల చేసిన చిత్రబృందం సగటు అభిమానిని కూడా నిరాశపరిచింది. పాట విడుదలకు ముందు మాస్ బీట్ అంటూ ఎంతో హల్ చల్ చేసిన చిత్రయూనిట్‌.. చివరకు చేదు అనుభవాన్ని చవిచూసింది. ఈ మధ్య కాలంలో ఈ పాటపై వచ్చినన్నీ ట్రోలింగ్స్ మరే సాంగ్‌పై రాలేదు. అన్ని పాటలను కలిపి కొట్టాడని దేవీ శ్రీ ప్రసాద్‌ను ఏకిపారేశారు.

రెండో పాటను సిద్దం చేసిన యూనిట్..

మొదటి పాట బెడిసి కొట్టడంతో రెండో పాటను ఫ్యామిలీ మూడ్, మెలోడిని దించారు. ఫస్ట్ సింగిల్‌తో అనుకున్నంత ఫేమ్ రాకపోయే సరికి అందరూ సంతృప్తి చెందేలా ఉండాలని కూల్ సాంగ్‌ను రిలీజ్ చేశారు. నేటి సాయంత్రం 5.04గంటలకు సూర్యుడివో చంద్రుడివో అనే పాటను రిలీజ్ చేశారు.

లిరిక్స్‌ను షేర్ చేసిన దర్శకుడు..

ఈ పాట అదిరిపోనుందని, రామ జోగయ్య శాస్త్రి అదిరిపోయే సాహిత్యాన్ని అందించాడని పేర్కొన్నాడు. సూర్యుడివో చంద్రుడివో ఆ ఇద్దరి కలయికవో... సారథి వో వారధి వో మా ఊపిరి కన్న కలవో. విశ్వమంతా ప్రేమ పండించగా పుట్టుకైన ఋషివో... సాటివారికై నీ వంతుగా ఉద్యమించు కృషివో..." అంటూ లిరిక్స్‌ను ముందే షేర్ చేశాడు.

Recommended Video

CineBox: Mahesh Babu To Play Gangster | 90ML Movie Review | Disco Raja Teaser Review

అదిరిపోయిన పాట..

సరిలేరు నీకెవ్వరు చిత్రంలో మహేష్ బాబు క్యారెక్టర్‌ను, ఆ పాత్ర స్వభావం, కథను రివీల్ చేసేలా ఎంతో హృద్యంగా సాగిన ఈ పాట అందర్నీ ఆకట్టుకునేలా ఉంది. లెక్చరర్‌ భారతి పాత్రను పోషిస్తున్న విజయశాంతి ఫ్యామిలీకి సహాయం చేసేందుకు మహేష్ బాబు ఎంటర్ అయ్యే సందర్భంలో ఈ పాట వచ్చే అవకాశం ఉంది. ఈ పాటలో ముఖ్యంగా కేరళ అందాలను చూపించినట్టు కనిపిస్తోంది.