BRO: ముఖ్యమైన వర్క్ చేస్తున్న థమన్.. పవన్ రేంజ్‌కు ఏమాత్రం తగ్గకుండా!

పవర్ స్టార్ పవన్ కల్యాణ్ - సుప్రీమ్ హీరో సాయి ధరమ్ తేజ్ కలిసి నటిస్తున్న సినిమానే 'బ్రో (BRO)'. ఇద్దరు మెగా హీరోలు నటిస్తున్న సినిమా కావడంతో ఇది ఆరంభంలోనే అందరి దృష్టినీ ఆకర్షించింది. అదే సమయంలో అంచనాలను కూడా ఓ రేంజ్‌లో ఏర్పరచుకుంది. అందుకు ఏమాత్రం తగ్గకుండా ఈ సినిమాను ఎంతో ప్రతిష్టాత్మకంగా తెరకెక్కిస్తున్నారు.

పవన్ కల్యాణ్, సాయి ధరమ్ తేజ్ హీరోలుగా సోషియో ఫాంటసీ జోనర్‌లో రాబోతున్న 'బ్రో (BRO)' మూవీని సముద్రఖని తెరకెక్కిస్తున్నారు. ఆయన ప్రధాన పాత్రలో నటించిన 'వినోదయ సీతమ్'కు ఇది రీమేక్‌గా రూపొందుతోంది. ఇప్పటికే ఈ మూవీకి సంబంధించిన షూటింగ్ పార్ట్ దాదాపుగా కంప్లీట్ అయింది. దీంతో చిత్ర యూనిట్ ప్రస్తుతం ఈ సినిమా పోస్ట్ ప్రొడక్షన్ వర్క్‌ను కూడా శరవేగంగా జరుపుతూ వస్తోంది. అదే సమయంలో ఈ మూవీ నుంచి వరుసగా అప్‌డేట్లను ఇస్తున్నారు.

'బ్రో (BRO)' మూవీని జూలై 28న రిలీజ్ చేయబోతున్నారు. దీనికి సమయం దగ్గర పడడంతో పోస్ట్ ప్రొడక్షన్ వర్క్‌ను ఎంతో వేగంగా చేస్తున్నారు. ఇందులో భాగంగానే ఇప్పుడు మ్యూజిక్ డైరెక్టర్ థమన్ ఈ సినిమాకు సంబంధించిన బ్యాగ్రౌండ్ స్కోర్‌పై వర్క్ చేస్తున్నాడు. తాజాగా దీనికి సంబంధించిన ఫొటోను ట్విట్టర్ ఖాతాలో షేర్ చేశాడు. ఇందులో చాలా మంది టెక్నీషియన్లు వయోలిన్ వాయిస్తూ కనిపించారు. ఇక, దీనికి 'BROBGM' అంటూ క్యాప్షన్ కూడా ఇచ్చాడు. దీంతో ఈ బ్యాగ్రౌండ్ స్కోర్‌పై అంచనాలు భారీగా పెరుగుతున్నాయి.

ఇదిలా ఉండగా.. ఇప్పటికే 'బ్రో (BRO)' మూవీ నుంచి ఒక పాట విడుదలైంది. అలాగే, టీజర్ కూడా రిలీజ్ అయింది. ఈరోజు ఈ సినిమా నుంచి మరో సాంగ్‌ను వదలబోతున్నారు. ఇలా వరుస అప్‌డేట్లతో మెగా ఫ్యాన్స్‌ను చిత్ర యూనిట్ ఖుషీ చేస్తోంది. ఈ క్రమంలోనే ఇప్పుడు థమన్ చేసిన ట్వీట్‌తో వాళ్లలో జోష్ రెట్టింపు అయిందనే చెప్పాలి.

మెగా హీరోల మల్టీస్టారర్‌గా రాబోతున్న 'బ్రో (BRO)' మూవీలో కేతిక శర్మ, ప్రియా ప్రకాశ్ వారియర్ హీరోయిన్లుగా నటిస్తోన్నారు. ఈ మూవీని పీపుల్స్ మీడియా ఫ్యాక్టరీ సంస్థ ప్రతిష్టాత్మకంగా నిర్మిస్తోంది. ఈ చిత్రానికి త్రివిక్రమ్ డైలాగ్స్, స్క్రీన్‌ప్లేకు వర్క్ చేస్తున్నారు. థమన్ దీనికి సంగీతం అందిస్తున్నాడు.