హోమ్

మ్యూజిక్

మాట వినని నాగచైతన్య ఎడమ చేయి.. తల్లి ఆవేదన! చేయి మాట వినకపోవడం ఏంటని అనుకుంటున్నారా. ఇది కచ్చితంగా ఆసక్తికర అంశమే. అక్కినేని నాగచైతన్య నటిస్తున్న తాజా చిత్రం సవ్యసాచి. విభిన్న చిత్రాల దర్శకుడు చందు ముండేటి దర్శత్వంలో ఈ చిత్రం వెరైటీ కాన్సెప్ట్ తో రూపొందుతున్న సంగతి తెలిసిందే. ఒకే తల్లి కడుపున పుడితే కవలలు అంటారు. అదే ఒకేరక్తం ఒకే శరీరం పంచుకుని పుడితే అద్భుతం అంటారు అనే డైలాగ్ తో నాగ చైతన్య టీజర్ తోనే ఉత్కంఠ పెంచేశాడు.

ఈ చిత్ర కాన్సెప్ట్ గురించి మరిన్ని విషయాలు తెలిసేలా చిత్ర యూనిట్ తాజగా ఓ పాట విడుదల చేసింది. తన కొడుకు అధీనం లేకుండానే అతడి ఎడమ చేయి పనిచేస్తుంటే ఓ తల్లి పడే ఆవేదనని పాట రూపంలో చూపించారు. తన శరీరంలోనే తన సోదరుడు కూడా ఉండడంతో.. అతడి ఎడమచేయి ఇబ్బంది పెడుతూ ఉంటుంది. అలాంటి వ్యక్తి జీవితం ఎలా ఉంటుందనేదే సవ్యసాచి కథ.

సీనియర్ సంగీత దర్శకుడు కీరవాణి ఈ చిత్రానికి స్వరాలు అందిస్తున్నారు. రామజోగయ్య శాస్త్రి సాహిత్యం అందించిన ఒక్కరంటే ఒక్కరు అనే పాటని తాజాగా విడుదల చేశారు.