Click it and Unblock the Notifications
Nayanatara షారుక్ ఖాన్ కెమిస్ట్రీ అదుర్స్.. ఛలోనా అంటూ ఫుల్లుగా నయనతార రొమాన్స్
బాలీవుడ్ సూపర్ స్టార్ షారుక్ ఖాన్, సౌత్ ఇండియా లేడి సూపర్ స్టార్ నయనతార నటించిన జవాన్ చిత్రం రోజు రోజు అంచనాలు పెంచుతున్నది. ఈ సినిమా టీజర్లు, ట్రైలర్లు, ప్రమోషనల్ ఈవెంట్స్ సినిమాపై క్రేజ్ను క్రియేట్ చేస్తున్నాయి. ప్రముఖ దర్శకుడు అట్లీ డైరెక్షన్లో షారుక్ సొంత బ్యానర్ రెడ్ చిల్లీస్ ఎంటర్టైన్మెంట్పై ఈ సినిమాను గౌరీ ఖాన్, గౌరవ్ వర్మ నిర్మించారు. ప్రమోషన్స్లో భాగంగా ఈ సినిమా పాటను ఆగస్టు 14వ తేదీన రిలీజ్ చేశారు. ఈ పాటకు సంబంధించిన వివరాల్లోకి వెళితే..
నయన్తో షారుక్ రొమాంటిక్గా: జవాన్ సినిమా నుంచి ఛలోనా అనే పాటను ప్రేక్షకులు, అభిమానుల ముందుకు తీసుకొచ్చారు. ఈ పాటలో అందాల భామ నయనతారతో షారుక్ ఖాన్ రొమాంటిక్గా స్టెప్పులేస్తూ కనిపించారు. అనిరుధ్ రవిచంద్రన్ సంగీతం అందించిన ఈ పాటను ఆదిత్య ఆర్కే, ప్రియా మాలి ఆలపించారు. షారుక్ ఖాన్ స్టెయిల్, స్వాగ్ ఈ పాటకు మరింత అందాన్ని తెచ్చిపెట్టాయి. ఈ పాట ద్వారా అభిమానులకు, సినీ ప్రేక్షకులకు షారుక్ ఖాన్ తన మ్యాజిక్ పరిచయం చేశారు.
ప్రేమ కొలవలేనిది అంటూ: షారుక్ ఖాన్ తన ట్విట్టర్ హ్యాండిల్ నుంచి పాట గ్లింప్స్ను షేర్ చేశారు.. ప్రేమ కొలవలేనిది. హద్దులు లేనిదై ఉండాలి. అటువంటిదే జవాన్ ప్రేమ. జవాన్ సినిమా నుంచి ఛలోనా పాట రిలీజైంది అంటూ షారుక్ ట్వీట్ చేశారు. ఈ పాటలో షారుక్, నయన్ చేతిలో చేయి వేసి తన్మయత్వంతో ఊగిపోయారు. నయనను అమాంతం లేపేసి రొమాంటిక్ స్టెప్పలేశాడు. పసుపుపచ్చ డ్రస్సులో, ప్రింటెండ్ క్యాస్టూమ్లో నయనతార మరింత అందంగా కనిపించింది.
బాలీవుడ్లోకి తొలిసారి నయనతార: దక్షిణాదిలో స్టార్ హీరోయిన్గా పేరు ఉన్న నయనతార తొలిసారి బాలీవుడ్లోకి అడుగుపెట్టారు. తొలి చిత్రంలోనే బాలీవుడ్ సూపర్ స్టార్ షారుక్ ఖాన్తో నటించే ఛాన్స్ కొట్టేసింది. ఛలోనా పాటలో వారిద్దరి కెమిస్ట్రీ ఫ్రెష్గా కనిపించింది. ప్రముఖ కొరియోగ్రాఫర్, డైరెక్టర్ ఫరా ఖాన్ ఈ పాటకు కొరియోగ్రఫిని అందించారు. తెలుగులో ఈ పాటను ఆస్కార్ అవార్డు విజేత చంద్రబోస్ రాయడం విశేషంగా మారింది.
జవాన్ రిలీజ్ ఎప్పుడంటే?: విజయ్ సేతుపతి, యోగిబాబు, దీపిక పదుకోన్, ప్రియమణి నటించిన జవాన్ చిత్రాన్ని పాన్ ఇండియా మూవీగా ప్రేక్షకుల ముందుకు తెస్తున్నారు. ఈ సినిమాను తెలుగు, తమిళం, హిందీ భాషల్లో రిలీజ్ చేస్తున్నారు. సుమారు 250 కోట్ల రూపాయలతో తెరకెక్కించిన ఈ చిత్రం సెప్టెంబర్ 7వ తేదీన గ్రాండ్గా రిలీజ్ అవుతున్నది.
Continue with Google