Don't Miss!
- Finance HUL News: ఆ వ్యాపారం నుంచి తప్పుకుంటున్న హిందుస్థాన్ యూనీలివర్.. 20 ఏళ్ల తర్వాత..
- News ఏపీలో ఎన్నికల ఫలితాలపై చంద్రబాబు ఆసక్తికర వ్యాఖ్యలు..!!
- Sports క్లాసెన్కు కావ్య మారన్ స్పెషల్ గిఫ్ట్!
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
చిన్న సినిమాకు పెద్ద రికార్డ్.. ఆనందంలో యాంకర్ ప్రదీప్
బుల్లితెరపై యాంకరింగ్లో సరికొత్త ఒరవడిని తీసుకొచ్చి.. సుమకు ధీటుగా ఎదిగాడు యాంకర్ ప్రదీప్. యాంకర్స్ అంటే కేవలం ఆడవారు ఉంటారనే భ్రమను తొలగించి తెలుగు చిత్ర పరిశ్రమలో ప్రదీప్ ఓ ట్రెండ్ సెట్ చేశాడు. అటు బుల్లితెరపై తన టైమింగ్తో ఆకట్టుకున్న ప్రదీప్.. అప్పుడప్పుడూ వెండితెరపైనా మెరిశాడు. అయితే ప్రస్తుతం పూర్తి స్థాయి హీరోగా మారిపోయాడు. 30 రోజుల్లో ప్రేమించడం ఎలా అనే చిత్రంతో హీరోగా పరిచయం కానున్నాడు.
అంతా బాగుండి ఉంటే.. ఈ పాటికే ప్రదీప్ వెండితెరపై వీరంగం సృష్టించేవాడు. కరోనా విజృంభించడం, లాక్ డౌన్ విధించడం, చిత్రపరిశ్రమ స్థంభించిపోవడంతో అంతా తారుమారైంది. అనుకున్న సమయానికి చిత్రాన్ని విడుదల చేయలేకపోయారు. అయితే ఈ సినిమాపై ఇంతటి క్రేజ్ ఏర్పడటానికి కారణం మాత్రం ఆ ఒక్క పాటే. అనూప్ రూబెన్స్ అందించిన చక్కటి మెలోడి గీతాల్లో ముందు వరుసలో నిలిచేంతా సత్తా ఉంది.
నీలి నీలి ఆకాశం అనే పాట అప్పట్లో ఓ సంచలనం. అల వైకుంఠపురములో పాటలు రాజ్యమేలుతున్న తరుణంలోనూ ఈ సాంగ్ అందర్నీ ఓ ఊపు ఊపేసింది. ఈ ఒక్క పాటతో సినిమాపై అంచనాలు ఆకాశన్నంటాయి. ఈ పాటను చంద్రబోస్ రాయగా.. సిద్ శ్రీరామ్, సునీత కలిసి ఆలపించారు. ఈ పాటలోని సాహిత్యం, బాణీ అందర్నీ ఆకట్టుకుంది.
ఇప్పటికీ ఈ పాట యూట్యూబ్లో మార్మోగుతూనే ఉంది. తాజాగా ఈ పాట కొత్త రికార్డులను అందుకుంది. 150 మిలియన్ల వ్యూస్ను దక్కించుకుని ఈ చిన్న సినిమాకు కొండంత అండగా నిలబడింది. ఈ మేరకు చిత్ర యూనిట్ ప్రేక్షకులందరికీ ధన్యవాదాలు తెలిపింది. ఈ చిత్రంలో ప్రదీప్ మాచిరాజు సరసన అమృతా అయ్యర్ నటిస్తోంది.