Click it and Unblock the Notifications
Naa Peru Seesa: రవితేజ సినిమా నుంచి స్పైసీ ట్రీట్.. ఈ మధ్యలో చూడని విధంగా!
ఆ మధ్య కాలంలో వరుసగా పరాజయాలు ఎదుర్కొని చాలా ఇబ్బందులు పడ్డాడు టాలీవుడ్ స్టార్ హీరో మాస్ మహారాజా రవితేజ. ఇలాంటి పరిస్థితుల్లో గత ఏడాది ఆరంభంలో 'క్రాక్' వంటి భారీ హిట్ను అందుకుని మళ్లీ ట్రాకులోకి వచ్చేశాడు. భారీ అంచనాలతో వచ్చిన ఈ సినిమాకు ప్రేక్షకుల నుంచి అదే రీతిలో స్పందన వచ్చింది. ఫలితంగా కలెక్షన్లు పోటెత్తాయి. దీంతో ఇది అతడి కెరీర్లోనే బిగ్గెస్ట్ హిట్గా ఈ మూవీ రికార్డులకెక్కింది. ఈ ఉత్సాహంతోనే ఆ వెంటనే రమేష్ వర్మ దర్శకత్వంలో రవితేజ 'ఖిలాడీ' అనే సినిమాను చేశాడు. ఎన్నో అంచనాలతో విడుదలైన ఈ మూవీకి తెలుగు ప్రేక్షకులు భారీ షాకిచ్చారు. దీంతో ఈ చిత్రం ఎక్కువ నష్టాలను ఎదుర్కొని డిజాస్టర్గా మిగిలింది.
చాలా రోజుల క్రితమే మాస్ మహారాజా రవితేజ.. 'రామారావు ఆన్ డ్యూటీ' అనే సినిమాను కూడా మొదలు పెట్టేశాడు. శరత్ మందవ అనే డైరెక్టర్ తెరకెక్కిస్తోన్న ఈ సినిమా షూటింగ్ చాలా అవాంతరాల నడుమ ఇటీవలే పూర్తైంది. సందేశాత్మక కథతో రాబోతున్న ఈ సినిమాకు సంబంధించిన ఫస్ట్ లుక్ పోస్టర్కు భారీ స్థాయిలో రెస్పాన్స్ వచ్చింది. దీంతో దీనిపై అంచనాలు పెరిగిపోయాయి. అందుకు అనుగుణంగానే దీని నుంచి తరచూ ఏదో ఒక ఆసక్తికరమైన వార్త బయటకు వస్తోంది. దీంతో ఈ సినిమా నిత్యం వార్తల్లోనే ఉంటూ బజ్ను విపరీతంగా పెంచుకుంటోంది. ఫలితంగా ఈ సినిమా కోసం అంతా ఆసక్తిగా ఎదురు చూస్తున్నారు.
క్రేజీ కాంబినేషన్లో ప్రతిష్టాత్మకంగా రాబోతున్న 'రామారావు ఆన్ డ్యూటీ' మూవీని రవితేజ వీలైనంత త్వరగా పూర్తి చేయాలని భావించాడు. కానీ, అనుకోని ఆంటకాల వల్ల దీనికి చాలా బ్రేకులు పడ్డాయి. అయినప్పటికీ దీన్ని ఈ స్టార్ హీరో సక్సెస్ఫుల్గా కంప్లీట్ చేసుకున్నాడు. ఇక, ఈ చిత్రాన్ని గతంలో చెప్పిన డేట్కు కాకుండా జూలై 29న ప్రపంచ వ్యాప్తంగా ప్రేక్షకుల ముందుకు తీసుకు రాబోతున్నారు. దీనికి ఎంతో సమయం లేకపోవడంతో చిత్ర యూనిట్ ప్రమోషన్ కార్యక్రమాలను ప్రారంభించాలని భావిస్తోంది. ఇందులో భాగంగానే ఇప్పటికే కొన్ని అప్డేట్లను కూడా ఇచ్చింది. ఈ క్రమంలోనే తాజాగా ఈ మూవీ నుంచి స్పెషల్ సాంగ్ను విడుదల చేశారు.
'రామారావు ఆన్ డ్యూటీ' మూవీ నుంచి తాజాగా అదిరిపోయే స్పెషల్ సాంగ్ విడుదలైంది. 'నా పేరు సీసా' అంటూ సాగే ఈ పాటను సామ్ సీహెచ్ స్వరపరచగా.. చంద్రబోస్ లిరిక్స్ అందించారు. అలాగే, ఈ పాటను శ్రేయా గోషల్ అదిరిపోయేలా ఆలపించారు. టాప్ కొరియోగ్రాఫర్ శేఖర్ మాస్టర్ కంపోజ్ చేస్తున్నాడు. ప్రముఖ స్టూడియోలో ఈ పాటకు సంబంధించిన షూట్ జరిపారు. ఇక, ఇందులో సంచలన వెబ్ సిరీస్ 'గంధీ బాత్' ద్వారా ఎనలేని గుర్తింపును అందుకున్న అన్వేషి జైన్ డ్యాన్స్ చేసింది. ఇందులో ఆమె వేసిన స్పైసీ స్టెప్పులు ఆకట్టుకుంటున్నాయి. ఈ మధ్య కాలంలో చూడనంత హాట్గా ఈ పాట ఉంది. దీంతో ఇది కాసేపట్లోనే వైరల్ అయిపోయింది.
ఎంతో ప్రతిష్టాత్మకంగా రాబోతోన్న 'రామారావు ఆన్ డ్యూటీ' సినిమాలో మాస్ మహారాజా రవితేజ బాధ్యత కలిగిన ప్రభుత్వ ఉద్యోగిగా నటిస్తున్నాడు. ఇప్పటికే విడుదలైన పోస్టర్లు సినిమాపై బజ్ను అమాంతం పెంచేశాయి. ఈ చిత్రంలో ఏకంగా ఇద్దరు హీరోయిన్లు దివ్యాన్షా కౌశిక్, రజిషా విజయన్ నటిస్తున్నారు. ఇక, ఈ సినిమాను శ్రీ లక్ష్మీ వెంకటేశ్వర సినిమాస్ బ్యానర్పై సుధాకర్ చెరుకూరి నిర్మిస్తున్నారు. ఈ చిత్రానికి సామ్ సీఎస్ సంగీతం అందిస్తున్నాడు.
Continue with Google