Don't Miss!
- Sports SRH vs MI: ఆ దిగ్గజ క్రికెటర్ వల్లనే చరిత్ర సృష్టించా- అభిషేక్ శర్మ
- News విజయవాడ పశ్చిమ సీటులో మారిపోయిన లెక్కలు !
- Automobiles ఫ్రీ బస్సులో వాటికి ప్రత్యేకంగా సీటు.. బామ్మ, మనవరాలికి షాక్ ఇచ్చిన బస్ కండక్టర్..
- Lifestyle Car Vastu Tips: కారు ఉందా అయితే ఈ వాస్తు నియమాలు పాటించండి..ఈ డైరెక్షన్ లో పార్క్ చేస్తే
- Technology Poco నుంచి F సిరీస్ లో కొత్త ఫోన్! స్పెసిఫికేషన్లు లీక్, వివరాలు
- Travel శివ కళ్యాణోత్సవాలకు ముస్తాబైన వేములవాడ రాజన్న ఆలయం!
- Finance Hyderabad: తల్లి కోరిక తీర్చిన ఆనంద్ మహీంద్రా.. 4000 మంది విద్యార్థుల కోసం హైదరాబాదులో..
‘క్రాక్’ నుంచి కోరమీసం పోలీసోడా సాంగ్ రిలీజ్: అదిరిపోయిన రవితేజ - శృతి హాసన్ కెమిస్ట్రీ
మాస్ మహారాజ రవితేజ - గోపీచంద్ మలినేని కాంబినేషన్లో వస్తోన్న చిత్రం 'క్రాక్'. 'డాన్ శీను', 'బలుపు' వంటి హిట్ల తర్వాత వీళ్లిద్దరి కాంబినేషన్లో రాబోతున్న ఈ సినిమాను లైట్ హౌస్ మూవీ మేకర్స్ బ్యానర్పై ఠాగూర్ మధు నిర్మిస్తున్నారు. శృతీ హాసన్ హీరోయిన్గా నటిస్తోన్న ఈ సినిమాలో రవితేజ పవర్ఫుల్ పోలీస్ ఆఫీసర్గా నటిస్తున్నాడు. ఇప్పటికే షూటింగ్ పూర్తి చేసుకున్న ఈ సినిమా.. ప్రస్తుతం పోస్ట్ ప్రొడక్షన్ పనులు జరుపుకుంటోంది. ఈ నేపథ్యంలో క్రిస్మస్ పండుగను పురస్కరించుకుని చిత్ర యూనిట్ నుంచి కానుకగా అదిరిపోయే అప్డేట్ వచ్చింది.
తాజాగా 'క్రాక్' సినిమా నుంచి 'కోరమీసం పోలీసోడా' అంటూ సాంగ్ ఓ రొమాంటిక్ సాంగ్ రిలీజ్ అయింది. ఎస్ ఎస్ థమన్ సంగీతం సమకూర్చిన ఆ పాట ఆకట్టుకుంటోంది. స్లోగా సాగుతూ రొమాంటిక్ ఫీల్ను పంచుతోంది. ఇందులో భర్తను ఖాకీ డ్రెస్ తన నుంచి దూరం చేస్తుందన్న కోపంతో హీరోయిన్ పాడే ఈ పాట డీసెంట్ మెలొడీ అనిపించుకుంది. అలాగే, ఈ పాటలో రవితేజ - శృతి హాసన్ మధ్య కెమిస్ట్రీ బాగా వర్కౌట్ అయిందనే చెప్పాలి. దీనికి రామజోగయ్య శాస్త్రీ లిరిక్స్ రాయగా, ప్రముఖ సింగర్ రమ్య బెహ్రా అద్భుతంగా ఆలపించింది.
ఇక, ఈ సినిమా నుంచి కొద్ది రోజుల క్రితం 'భలేగా తగిలావే బంగారం' అంటూ సాగే పాట విడుదలైంది. మాంచి మాస్ బీట్తో సాగే ఈ పాట అదరగొట్టేసింది. ఇదిలా ఉండగా, ఈ సినిమా యాక్షన్ సస్పెన్స్ థ్రిల్లర్గా సాగనుందని తెలుస్తోంది. ఈ సినిమాను సంక్రాంతి కానుకగా విడుదల చేస్తున్నట్లు చిత్ర యూనిట్ ఇటీవలే ప్రకటించిన విషయం తెలిసిందే. అలాగే, త్వరలోనే దీనికి సంబంధించిన ప్రీ రిలీజ్ ఈవెంట్ కూడా నిర్వహించబోతున్నట్లు ప్రచారం జరుగుతోంది. అదే కార్యక్రమంలో సినిమా ట్రైలర్ రిలీజ్ చేస్తారని అంటున్నారు.