వాల్మీకి నుంచి సెకండ్ సాంగ్ రిలీజ్.. 'గగన వీధిలో' అంటూ సూపర్బ్ ట్యూన్

హరీష్ శంకర్ దర్శకత్వంలో రూపొందుతున్న కొత్త సినిమా 'వాల్మీకి'. మెగా ప్రిన్స్ వరుణ్ తేజ్ హీరోగా నటించిన ఈ సినిమాలో పూజా హెగ్డే హీరోయిన్‌గా నటించింది. తమిళ నటుడు అథర్వా మురళి విలన్‌గా కనిపించనున్నాడు. 14 రీల్స్ ప్లస్ పతాకంపై రామ్ ఆచంట, గోపీ ఆచంట ఈ చిత్రాన్ని నిర్మించారు. తమిళంలో విజయవంతమైన 'జిగర్తాండ' సినిమాకి రీమేక్ గా వాల్మీకి ప్రేక్షకుల ముందుకు రాబోతోంది.

ఇప్పటికే షూటింగ్ ఫినిష్ చేసుకొని పోస్ట్ ప్రొడక్షన్ కార్యక్రమాలు జరుపుకుంటున్న ఈ సినిమా సెప్టెంబర్ 20వ తేదీన ప్రేక్షకుల ముందుకు రానుంది. ఈ నేపథ్యంలో ప్రమోషన్ కార్యక్రమాలు వేగవంతం చేసిన యూనిట్ సభ్యులు చిత్రంలోని సెకండ్ లిరికల్ సాంగ్ కొద్ది సేపటి క్రితం విడుదల చేశారు.

'గగన వీధిలో' అంటూ మెలోడీ ట్యూన్‌లో సాగిపోతున్న ఈ పాట ఎంతో వినసొంపుగా ఉండి ఆకట్టుకుంటోంది. వనమాలీ అందించిన లిరిక్స్‌పై మిక్కీ జె మేయర్ లిరిక్స్ అద్భుతంగా ఉన్నాయి. ఈ లిరికల్ సాంగ్ లో అథర్వా మురళి, మృణాళిని రవి లను చూపించడం గమనించదగిన విషయం. ఈ సాంగ్ ద్వారా క్లాస్ ఆడియన్స్‌ని ఆకట్టుకున్నారని చెప్పుకోవచ్చు.

ఇక ఈ సినిమాలో వరుణ్ తేజ్ డిఫరెంట్ లుక్ లో కనిపించనుండగా ఆయన సరసన పూజా హెగ్డే మరింత డిఫెరెన్ట్ రోల్ లో కనిపించనుంది. ఇప్పటికే విడుదలైన అన్ని అప్‌డేట్స్ సినిమాపై అంచనాలు పెంచేయడంతో వాల్మీకి పట్ల మెగా అభిమానుల్లో ఆత్రుత నెలకొంది.