Bigg Boss Telugu Winner ఆకట్టుకొంటున్న శివబాలాజీ మూవీ మ్యూజిక్.. ఓ మాదిరిగా అదుర్స్!

బిగ్‌బాస్ తెలుగు తొలి సీజన్ విన్నర్ శివ బాలాజీ ప్రధాన పాత్రలో నటిస్తున్న చత్రం సింధూరం. త్వరలో విడుదల కాబోతున్న ఈ సినిమా ప్రమోషన్స్ ఊపందుకొన్నాయి. ప్రమోషన్స్‌లో భాగంగా ఆనందమో ఆవేశమో పాటను విడుదల చేయగా యూట్యూబ్‌లో భారీ రెస్పాన్స్ లభించింది. తాజాగా ఓ మాదిరిగా అనే రెండోపాటను కూడా ఆదిత్య మ్యూజిక్ రిలీజ్ చేసింది.

ఆనందమో.. ఆవేశమో పాట, అలాగే ఓ మాదిరిగా పాట కూడా క్లాసిక్‌గా, మెలోడియస్‌గా సాగింది. ఆనందమో ఆవేశమో పాటకు బాలాజీ సాహిత్యం అందించగా.. అభయ్ జోధ్‌పూర్కర్ ఆలపించారు. గౌరా హరి సంగీతం అందించాడు. ఇక ఒక మాదిరిగా పాటకు బాలాజీ సాహిత్యం అందించారు. సత్యప్రకాశ్, హరిణి ఈ పాటను ఆలపించారు.

సింధూరం మ్యూజిక్ ఆల్బమ్‌లోని రెండు పాటలకు మంచి రెస్పాన్స్ రావడంపై డైరెక్టర్ శ్యామ్ తుమ్మలపల్లి, ప్రొడ్యూసర్ ప్రవీణ్ రెడ్డి జంగా, టీమ్ సంతోషం వ్యక్తం చేశారు.

నటీనటులు: శివ బాలాజీ, ధర్మ, బ్రిగిడ సాగ (పవి టీచర్)
డైరెక్టర్: శ్యామ్ తుమ్మలపల్లి
నిర్మాత: ప్రవీణ్ రెడ్డి జంగా
సహా నిర్మాతలు: చైతన్య కందుల, సుబ్బారెడ్డి.ఏం
రైటర్: కిషోర్ శ్రీ కృష్ణ
సినిమాటోగ్రఫీ: కేశవ్
ఎడిటర్: జస్విన్ ప్రభు
ఆర్ట్: ఆరే మధుబాబు
ఎగ్జిక్యూటివ్ ప్రొడ్యూసర్: రామ బాలాజీ
బ్యానర్: శ్రీ లక్ష్మీ నరసింహ మూవీ మేకర్స్