సీక్రెట్‌గా మ్యారేజ్ చేసుకొన్న ప్రముఖ సింగర్..పెళ్లికి ముందే ప్రియుడితో రొమాన్స్ రచ్చ..ఫోటోలు వైరల్!

పెళ్లికి ముందు సొంతిల్లుతో

అమెరికన్ సింగర్, యువ గాయని అరియానా గ్రాండే తన ప్రియుడు డాల్టన్‌ గోమేజ్‌తో డేటింగ్‌కు ముందే అరియానా సొంత ఇంటిని సాకారం చేసుకొన్నారు. దాదాపు 6.75 మిలియన్ డాలర్లతో ఇంటిని కొనుగోలు చేశారు. అయితే అప్పట్లో కమెడియన్ ప్యాట్ డేవిడ్సన్‌ను వివాహం చేసుకోవడం ఖాయమనే మాట వినిపించింది. అయితే అనూహ్యంగా అరియానా ప్రేమ వ్యవహారంలోకి డాల్టన్ వచ్చారు.

కమెడియన్‌ డేవిడ్సన్‌కు గుడ్‌బై

అలా ప్యాట్ డేవిడ్సన్‌కు గుడ్‌బై చెప్పిన అరియానా కొద్దికాలంగా రియల్ ఎస్టేట్ ఏజెంట్ డాల్టన్ గోమేజ్‌తో సన్నిహితంగా ఉంటూ వచ్చారు. కొద్ది నెలలుగా వారి డేటింగ్ విషయాలు, విహారయాత్రలు మీడియాలో చర్చనీయాంశమయ్యాయి. వారిద్దరూ 2020 ఆరంభంలో నిశ్చితార్థం చేసుకొన్నారు.

నిశ్చితార్థం తర్వాత రొమాన్స్‌తో రచ్చ

అయితే నిశ్చితార్థం తర్వాత వారిద్దరి రొమాన్స్, బెడ్రూమ్‌లోని వారి ఫోటోలు వైరల్ అయ్యాయి. అతి సన్నిహితంగా ఉన్న ఈ సెలబ్రిటీ ఫోటోలు ట్రెండింగ్‌గా మారాయి. ఇలాంటి పరిస్థితుల్లో ఒక్కసారిగా పెళ్లి చేసుకొన్నట్టు ప్రకటించి అందర్ని ఆశ్చర్యంలో ముంచెత్తారు.

వారాంతంలో పెళ్లి చేసుకొని..

గత వారాంతంలో అరియానా గాండే, డాల్టన్ గొమెజ్ వివాహం జరిగినట్టు విషయం బయటకు వచ్చింది. అయితే ఏ రోజున, ఏ తేదీన జరిగిందనే విషయాన్ని గొప్యంగా ఉంచుతున్నారు. అయితే పెళ్లి మాత్రం అమెరికాలోని మాంటెసిటోలోని తన నివాసంలో అత్యంత ప్రైవేట్ కార్యక్రమంగా జరిగింది అని సన్నిహితులు పేర్కొన్నారు.

Recommended Video

Ravi Teja Praises Cult Classic 'Color Photo' Movie

అతి కొద్ది మంది సమక్షంలో

అరియానా గ్రాండే, డాల్టన్ పెళ్లికి తక్కువలో తక్కువ 20 మంది మాత్రమే హాజరయ్యారు. ఫ్యామిలీ మెంబర్స్‌తోపాటు స్నేహితులు, సన్నిహితులు మాత్రమే పెళ్లికి వచ్చారు. అఫీషియల్‌గా ఈ కార్యక్రమాన్ని నిర్వహించలేదు. లాక్‌డౌన్ కారణంగా తూతూ మంత్రంగా పెళ్లి తంతు కొనసాగింది అని పేర్కొన్నారు.