వైరల్ వీడియో షేర్ చేసిన ఏఆర్ రెహమాన్, ఆమె టాలెంట్ చూసి ఆశ్చర్యం!

Recommended Video

కొన్ని నెలల క్రితం కేరళ రబ్బరు తోటల్లో పని చేస్తున్న ఓ కూలీ తన సింగింగ్ టాలెంటుతో వార్తల్లోకి ఎక్కిన సంగతి తెలిసిందే. అతడి టాలెంటును గుర్తించి కమల్ హాసన్, శంకర్ మహదేవన్ లాంటి వారు సైతం అభినందించారు.

తాజాగా తెలుగు రాష్ట్రాలకు చెందిన ఓ మహిళ వీడియో నేషనల్ వైడ్ వైరల్ అయింది. 1994లో వచ్చిన 'ప్రేమికుడు' సినిమాలోని ఏఆర్ రెహమాన్ కంపోజ్ చేసిన 'ఓ చెలియా' పాటను ఆమె పాడిన తీరు అందరినీ ఆకట్టుకుంటుంది.

సోషల్ మీడియాలో వైరల్ అయిన ఈ వీడియో చివరకు రెహమాన్ వరకు చేరింది. దాన్న ఆయన స్వయంగా తన అఫీషియల్ ఫేస్ బుక్ పేజీ ద్వారా షేర్ చేస్తూ అద్భుతమైన వాయిస్ అంటూ ప్రశంసలు గుప్పించారు.

ఈ వీడియో పోస్ట్ చేసిన కొన్ని గంటల్లోనే 1 మిలియన్‌పైగా వ్యవూస్, వేలాది లైక్స్, కామెంట్స్ వచ్చాయి. అయితే ఈవిడ ఎవరు? అనే విషయం తెలియక పోవడంతో రెహమాన్ ఆమె పేరు తన పోస్టులో ప్రస్తావించలేక పోయారు.

ఓ తెలుగు న్యూస్ ఛానల్ కథనం ప్రకారం... సంగీత దర్శకుడు కోటి ఆమెను రీచ్ అయినట్లు తెలుస్తోంది. ఆమె పేరు బేబీ అనే ప్రచారం జరుగుతోంది. త్వరలో బేబీకి తెలుగు సినిమాల్లో పాటలు పాడే అవకాశం దక్కుతుందని ఆశిద్దాం.