Don't Miss!
- News టీడీపీ హ్యాట్రిక్ కు వైసీపీ యువనేత బ్రేకులు వేస్తారా..!!
- Finance Mutual Funds: ఆ కంపెనీల్లో వాటాను పెంచుకున్న మ్యూచువల్ ఫండ్స్..
- Sports IPL చరిత్రలో తొలిసారి.. రాహుల్-రుతురాజ్కు షాక్!
- Travel శ్రీవారి భక్తులకు శుభవార్త.. ఐఆర్సిటిసి తిరుమల టూర్ ప్యాకేజీ...
- Automobiles కనీవినీ ఎరుగని డిస్కౌంట్స్!.. హ్యుందాయ్ కారు కొనటానికి ఇదే మంచి సమయం
- Technology ధర రూ.14999 కే 6000mAh బ్యాటరీ, 50MP కెమెరా శాంసంగ్ స్మార్ట్ఫోన్ కొత్త వేరియంట్ విడుదల..!!
- Lifestyle వేసవిలో కిడ్నీలు భద్రంగా ఉండాలంటే రోజూ ఎన్ని గ్లాసుల నీళ్లు తాగాలో తెలుసా?
‘పైసా మే హీ పరమాత్మా’ అంటోన్న మంచు విష్ణు: కాజల్తో కలిసి అలా వస్తున్నాడు
కలెక్షన్ కింగ్ మోహన్ బాబు కుమారుడిగా సినిమాల్లోకి ప్రవేశించాడు హీరో మంచు విష్ణు. ఆరంభంలోనే పలు పరాజయాలను చవి చూసిన అతడు.. ఆగకుండా సినిమాలు చేస్తూ వచ్చాడు. ఈ నేపథ్యంలోనే 'ఢీ' అనే సినిమాతో భారీ విజయాన్ని అందుకున్నాడు. ఆ తర్వాత 'దేనికైనా రెడీ', 'దూసుకెళ్తా' వంటి ఓ మోస్తరు విజయాలను అందుకున్న అతడు.. భారీ హిట్ కోసం పరితపిస్తున్నాడు. ఇందుకోసం జయాపజయాలతో సంబంధం లేకుండా చిత్రాలు చేస్తూనే ఉన్నాడు. ఇందులో భాగంగానే తాజాగా 'మోసగాళ్లు' అనే థ్రిల్లర్ మూవీ చేస్తున్నాడు.
మంచు విష్ణు హీరోగా నటిస్తూ ఏవీఏ ఎంటర్టైన్మెంట్, 24 ఫ్రేమ్స్ ఫ్యాక్టరీ పతాకాలపై నిర్మిస్తోన్న థ్రిల్లర్ మూవీ 'మోసగాళ్లు'. టాలీవుడ్ స్టార్ హీరోయిన్ కాజల్ అగర్వాల్ ఇందులో మంచు విష్ణు సోదరి పాత్రలో నటిస్తోంది. తెలుగు, తమిళ్, హిందీ, కన్నడ, మలయాళ భాషల్లో రూపొందుతోన్న ఈ చిత్రానికి జెఫ్రీ గీచిన్ దర్శకుడు. ఇందులో రుహి సింగ్ హీరోయిన్గా చేస్తున్నారు. ఎన్నో రోజులుగా షూటింగ్ జరుపుకుంటోన్న ఈ మూవీ.. బ్లాక్ మనీ నేపథ్యంతో సాగతుందని తెలుస్తోంది. విష్ణు కెరీర్లోనే ప్రతిష్టాత్మకంగా తెరకెక్కుతోన్న ఈ సినిమా నుంచి తాజాగా ఓ లిరికల్ సాంగ్ విడుదలైంది. దీనికి ప్రేక్షకుల నుంచి మంచి స్పందన వస్తోంది.
ఇప్పటి వరకు 'మోసగాళ్లు' నుంచి విడుదలైన పోస్టర్లు సినిమాపై అంచనాలను పెంచాయి. ఈ క్రమంలోనే తాజాగా 'పైసా మే హీ పరమాత్మా' అంటూ సాగే పాటను విడుదల చేశారు. సిరాశ్రీ రాసిన ఈ పాటను లవిత లోబో ఆలపించారు. సామ్ సీఎస్ సంగీతం సమకూర్చాడు. అర్థవంతంగా సాగిన ఈ పాటకు ప్రేక్షకుల నుంచి మంచి స్పందన వస్తోంది. ఇక, ఈ సినిమాలో నవీన్ చంద్ర, సునీల్ శెట్టి, నవదీప్ తదితరులు కీలక పాత్రల్లో కనిపించనున్నారు. మోహన్ బాబు పుట్టిన రోజు సందర్భంగా ఈ సినిమా మార్చి19న ప్రేక్షకుల ముందుకు రానుంది.