టెర్రిఫిక్ ఫీడ్‌బ్యాక్: గంటల్లోనే మహేష్ బాబు ‘మహర్షి’ సంచలనం!

1 మిలియన్ డిజిటల్ వ్యూస్

కొన్ని గంటల్లోనే టీజర్‌కు ఇంత రెస్పాన్స్ రావడంతో... చిత్ర నిర్మాతల ఆనందానికి అవధులు లేకుండా పోయింది. ఈ మూవీ నిర్మాణ సంస్థల్లో ఒకటైన దిల్ రాజు నేతృత్వంలోని శ్రీవెంకటేశ్వర క్రియేషన్స్ ఈ హ్యాపీ మూమెంట్స్‌ను ట్విట్టర్ ద్వారా పంచుకుంది.

‘రిషి'గా నా జర్నీ మొదలైందని చెప్పిన మహేష్ బాబు

ఈ రోజు నుండి రిషిగా నా జర్నీ మొదలైంది. మీరు నాపై చూపిస్తున్న అభిమానానికి, ప్రేమకు దాసోహం అయ్యాను అని మహేష్ బాబు ట్విట్టర్ ద్వారా తెలిపారు.

ల్యాండ్ మార్క్ మూవీ కావడంతో ఎక్స్‌పెక్టేషన్స్ మరింత ఎక్కువ

మహేష్ బాబు కెరీర్లో ఇది 25వ చిత్రం. సూపర్ స్టార్ ఇప్పటి వరకు చేసిన సినిమాలను మించిపోయేలా, ఒక గొప్ప ల్యాండ్ మార్క్ మూవీగా నిలిచిపోతుందనే అంచనాలు అభిమానుల్లో ఏర్పడ్డాయి. తాజాగా విడుదలైన ఫస్ట్ లుక్, టీజర్ వారి అంచనాలను మరింత పెంచింది.

కాలేజ్ స్టూడెంట్, రైతు బిడ్డగా

ఈ చిత్రంలో మహేష్ బాబు రెండు డిఫరెంట్ షేట్స్‌లో కనిపించబోతున్నారు. కాలేజ్ స్టూడెంట్.... రైతుబిడ్డగా ప్రేక్షకులకు వినోదం పంచబోతున్నారు. ఇప్పటి వరకు తన కెరీర్లో చేసిన పాత్రలన్నింటికంటే ది బెస్ట్‌గా ఇందులో మహేష్ బాబు పాత్ర ఉంటుందట.

మహర్షి

ఈ చిత్రంలో మహేష్ బాబు సరసన పూజా హెగ్డే హీరోయిన్‌గా నటిస్తోంది. అల్లరి నరేష్‌ ఓ కీలకమైన పాత్ర పోషిస్తున్నారు. దేవిశ్రీ ప్రసాద్ సంగీతం అందిస్తున్న ఈ చిత్రానకి కేయూ మోహనన్‌ సినిమాటోగ్రఫీ సమకూర్చుతున్నారు. వంశీపైడిపల్లి దర్శకత్వం వహిస్తున్న ఈ చిత్రాన్ని శ్రీ వెంకటేశ్వర క్రియేషన్స్, వై జయంతి మూవీస్, పివిపి సినిమా సంయుక్తంగా నిర్మిస్తున్నారు. 2019 ఏప్రిల్‌ 5న ప్రేక్షకుల ముందుకు రానుంది.