‘1 నేనొక్కడినే’పై ఆడియన్స్ ఏమంటున్నారు? (ఫోటోలు)

By Bojja Kumar

Published: Friday, January 10, 2014, 12:39 [IST]

హైదరాబాద్: మహేష్ బాబు హీరోగా సుకుమార్ దర్శకత్వంలో తెరకెక్కిన '1 నేనొక్కడినే' చిత్రం ఈ రోజు గ్రాండ్‌గా విడుదలైంది. ఈ మధ్య కాలంలో ఏ సినిమాకు లేనంతగా ఈ చిత్రం గురించి గత కొంత కాలంగా తెలుగు సినిమా సర్కిల్‌లో హాట్ హాట్ చర్చ సాగుతోంది. మహేష్ బాబు సినిమాలపై ఉండే భారీ అంచనాలే ఇందుకు కారణం.

ఇప్పటికే విడుదలైన సినిమా ప్రమోలు, టీజర్లు అదరగొట్టే విధంగా ఉండటం, సినిమా ట్రైలర్లు హాలీవుడ్ సినిమాల రేంజిలో ఉండటంతో సినిమాపై అంచనాలు ఒక్కసారిగా ఆకాశాన్నంటాయి. ఈ చిత్రం తన కెరీర్లో ల్యాండ్ మార్క్ సినిమా అవుతుందని మహేష్ బాబు చెప్పడం కూడా ఇంత క్రేజ్ రావడానికి మరో కారణం.

'1 నేనొక్కడినే' అనేది సైకలాజికల్ థ్రిల్లర్. భారీ యాక్షన్ కంటెంట్‌తో కూడిన ఈ సినిమాలో మహేష్ బాబు ఎలక్ట్రిప్లయింగ్ పెర్ఫార్మెన్స్ సినిమాకు మెయిన్ హైలెట్. మరో వైపు సుకుమార్ స్క్రీన్ ప్లే, ఎమోషనల్‌ డైలాగులు, దేవిశ్రీ ప్రసాద్ అందించిన సంగీతం, బ్యాగ్రౌండ్ స్కోర్, ఆర్ రత్నవేలు అమేజింగ్ కెమెరా వర్క్, బ్రిలియంగ్ కొరియోగ్రాఫ్డ్ యాక్షన్ అండ్ చేజింగ్ సీన్లు, హీరోయిన్ క్రితి సానన్ గ్లామర్, సినిమా చిత్రీకరణ జరిపిన లొకేషన్లో....ఇలా అన్ని విషయాల్లో సినిమా అదరహో అనిపించేలా తెరకెక్కించారు. ఈ సినిమా ద్వారా మహేష్ బాబు తనయుడు గౌతం కృష్ణ తెరంగ్రేటం చేస్తుండటం విశేషం.

సినిమాను ఇప్పటికే చూసిన పలువురు సినీ అభిమానులు సినిమాపై తమ అభిప్రాయాన్ని ట్వీట్ల ద్వారా వెలుబుచ్చారు. ఆ విశేషాలేమిటో చూద్దాం.