ఎన్టీఆర్‌ కోసం వెతకండి: రూ. 10 లక్షలు ప్రకటించిన రామ్ గోపాల్ వర్మ!

షార్ట్ లిస్టులో ముగ్గరు, కానీ ది బెస్ట్ కోసం...

‘లక్ష్మీస్ ఎన్టీఆర్' సినిమాలో ఎన్టీఆర్ పాత్ర కోసం రామ్ గోపాల్ వర్మ ఇప్పటికే ముగ్గురిని షార్ట్ లిస్ట్ చేశాడు. అయితే ఇటీవల చంద్రబాబును పోలిన వ్యక్తి దొరకడంతో... వర్మలో మరింత నమ్మకం పెరిగింది. ఎన్టీఆర్ మాదిరిగా ఉండే వ్యక్తి దొరికే అవకాశం ఉందని అతడి కోసం వెతకడం ప్రారంభించారు.

రూ. 10 లక్షలు బహుబతి ప్రకటించిన వర్మ

లక్ష్మి పార్వతిని కలిసిన సమయంలో ఎన్టీఆర్ ఎలా ఉన్నాడో అలాంటి లుక్‌తో ఉన్న వ్యక్తి ఎక్కడైనా కనిపిస్తే మాకు ఫోటోలు, వీడియోలు పంపండి. అతడు ఎన్టీఆర్ మాదిరిగా ఉండటంతో పాటు అయనలా మాట్లాడే టాలెంట్ కూడా ఉంటే మాకు సమాచారం అందించండి. వారికి రూ. 10 లక్షలు బహుబతి అందిస్తాను అని వర్మ తెలిపారు.

టాలీవుడ్లో వర్మ మరో సంచలనం

‘లక్ష్మీస్ ఎన్టీఆర్' సినిమా ద్వారా టాలీవుడ్లో మరో సంచలనం క్రియేట్ చేయడానికి రామ్ గోపాల్ వర్మ ప్రయత్నిస్తున్నారు. ఈ మూవీ ఎన్టీఆర్ సతీమణి లక్ష్మి పార్వతి కోణంలో ఉంటుందని అతడు చెప్పడంతో ఇందులో ఏం చూపించబోతున్నారనేది ఆసక్తికరంగా మారింది.

వర్మ మామూలోడు కాదు కదా

లక్ష్మీస్ ఎన్టీఆర్ సినిమాలో వర్మ ఎవరిని నెగెటివ్‌గా చూపిస్తాడు? ఎవరిని పాజిటివ్‌గా చూపిస్తాడు? చంద్రబాబుకు వ్యతిరేకంగా ఈ సినిమా ఉంటుందా? లక్ష్మి పార్వతికి అనుకూలంగా స్టోరీ ఉంటుందా? అంటే.... ఇవేవీ ఉండవని చెప్పక తప్పదు. ఈ సినిమా ద్వారా వర్మ తనదైన వెర్షన్ వినిపిస్తాడని తెలుస్తోంది.