2.0 ఆడియో లాంచ్ ఈవెంట్, దుబాయ్ వెళ్లలేని ఫ్యాన్స్‌కి నిరాశే!

కనీవినీ ఎరుగని రీతిలో వేడుక

శంకర్ దర్శకత్వం వహించిన ఈ చిత్రం ఇండియన్ సినీ చిత్రలో కనీవినీ ఎరుగని రీతిలో ఆడియో విడుదల కార్యక్రమం జరుపుకుంటోంది. రూ.12కోట్ల వ్యయంతో దుబాయ్‌లో ఈ వేడుకను అట్టహాసంగా నిర్వహిస్తున్నారు.

తొలిసారి అనుమతి

తొలిసారిగా దుబాయ్ గవర్నమెంట్ ఇక్కడ ఈ స్థాయిలో ఆడియో వేడుక నిర్వహించేందుకు అనుమతి ఇచ్చింది. అభిమానుల కోసం ఇప్పటికే దాదాపు 12000 ఫ్రీ పాసులు పంచి పెట్టారు. విఐపి టేబుల్స్ ఫర్ ఫ్యామిలీ... ఒక్కోటి రూ. 6 లక్షలుకు అమ్మారు.

రెహమాన్ లైవ్ పెర్ఫార్మెన్స్ హైలెట్

సంగీత దర్శకుడు ఎ.ఆర్‌. రెహమాన్‌ లైవ్ పెర్ఫార్మెన్స్ ఈ వేడుకలో హైలెట్ కానుంది. 125 మంది సింఫనీ కళాకారులతో కలిసి ఏఆర్ రెహమాన్ లైవ్ పెర్ఫార్మెన్స్ ఇవ్వనున్నారు.

ఎల్ఈడీ స్క్రీన్ల ద్వారా 1.5 లక్షల మంది లైవ్ చూస్తారని అంచనా

ఆడియో వేడుక లైవ్ చూసేందుకు దుబాయ్ మాల్స్ లో రూ. 2 కోట్లతో ఎల్ ఈడీలు ఏర్పాటు చేశారు. వీటి ద్వారా 1.5 లక్షల మంది లైవ్ చూస్తారని అంచనా.

తమన్నా లైవ్ డాన్స్ ఫెర్ఫార్మెన్స్

ఈ ఆడియో రిలీజ్ వేడుకలో హీరోయిన్ తమన్నా చిట్టిరోబోగా డాన్స్ పెర్ఫార్మెన్స్ ఇవ్వనుంది.