Click it and Unblock the Notifications
మరో మూడు వారాలు: ఇదీ సల్మాన్ ఖాన్ కేసు పరిస్థితి!
హైదరాబాద్: హిట్ అండ్ రన్ కేసులో బాలీవుడ్ నటుడు సల్మాన్ ఖాన్ కు సెషన్స్ కోర్టు ఐదేళ్ల జైలు శిక్ష విధించిన సంగతి తెలిసిందే. సెన్షన్ కోర్టు తీరుపై బాంబే హైకోర్టుకు అప్పీల్ చేయగా సల్మాన్ ఖాన్ కు మే 8న బెయిల్ మంజూరు చేసి తదుపరి విచారణ జూన్ 25ను వాయిదా పడింది. తాజాగా కేసు విచారణఖు రాగా తదుపరి విచారణను బాంబే హైకోర్టు జులై 13కు వాయిదా వేసింది.
కేసుకు సంబంధించిన డాక్యుమెంట్లను, పరిశీలించడానికి మూడు వారాల గడువు కావాలని సల్మాన్ తరఫు న్యాయవాది అమిత్ దేశాయ్ కోరారు. దీనిపై స్పందించిన కోర్టు బుధవారం తాజా ఆదేశాలు జారీ చేసింది. మరోవైపు పబ్లిక్ ప్రాసిక్యూటర్ సల్మాన్ అభ్యర్థనను తప్పుబట్టారు. మరింత కాలయాపన చేయడానికి ప్రయత్నిస్తున్నారని వాదించారు.
సెషన్స్ కోర్టు తీర్పు ఇలా...
హిట్ అండ్ రన్ కేసులో బాలీవుడ్ స్టార్ సల్మాన్ ఖాన్ ను ముంబై సెషన్స్ కోర్టు దేషిగా తేల్చింది. మద్యం సేవించి కారు నడిపి ఒకరు మరణించడానికి, పలువురు గాయపడటానికి కారణమైన ఈ కేసులో అతనికి ఐదేళ్ల జైలు శిక్ష విధిస్తూ సెషన్స్ కోర్టు జడ్జి డి.డబ్ల్యు దేశ్ పాండే తీర్పు వెలువరించారు. దీంతో పాటు డ్రైవింగ్ లైసెన్స్ లేనందున మరో రెండు నెలలు జైలు శిక్ష, రూ. 500 జరిమానా విధించారు.
కారు నడిపే సమయంలో సల్మాన్ ఖాన్ మద్యం సేవించి ఉన్నాడని కోర్టు స్పష్టం చేసింది. ఆ సమయంలో తాను కారు నడపలేదని, డ్రైవర్ నడిపాడనే సల్మాన్ వాదనను కోర్టు కట్టు కథగా పేర్కొంది. ఆ సమయంలో సల్మాన్ కు డ్రైవింగ్ లైసెన్స్ కూడా లేదని తేల్చింది. సల్మాన్ ఖాన్ మీద ఉన్న 8 అభియోగాలు నిరూపణ కావడంతో సెషన్స్ కోర్టు అతన్ని దోషిగా ప్రకటించింది.
Continue with Google