ప్రియాంక చోప్రా 32, హాట్ విషయాలు (ఫోటోస్)

By Bojja Kumar

Published: Friday, July 18, 2014, 18:51 [IST]

హైదరాబాద్: బాలీవుడ్ టాప్ హీరోయిన్లలో ఒకరైన ప్రియాంక చోప్రా గురించి ప్రత్యేకంగా పరిచయం అక్కర్లేదనుకుంటా. మాజీ ప్రపంచ సుందరి అయిన ప్రియాంక చోప్రా...తాను కేవలం అందగత్తెను మాత్రమే కాదు, నటిని కూడా అని నిరూపించుకుంది. అంతటితో ఆగకుండా ఇంటర్నేషనల్ లెవల్లో పాప్ స్టార్ అయ్యేందుకు ప్రయత్నాలు చేస్తోంది. ఇప్పటికే పలు ఆల్బమ్స్ కూడా విడుదల చేసింది.

ఈ రోజు ప్రియాంక చోప్రా బర్త్ డే. నేటితో అమ్మడు 32వ వడిలోకి అడుగు పెడుతోంది. ఈ సందర్భంగా ప్రియాంక చోప్రా గురించిన ఆసక్తికర విషయాలపై ఓ లుక్కేద్దాం. ప్రియాంక చోప్రా 1982వ సంవత్సరం జూలై 18వ తేదీన జన్మించింది. మోడలింగ్ పై ఆసక్తితో అటు వైపు అడుగులు వేసిన ప్రియాంక...ఆ తర్వాత ప్రపంచ సుందరి పోటీల వైపు ఆకర్షితురాలైంది.

స్లైడ్ షోలో ప్రియాంక చోప్రా హాట్ ఫోటోలు, వివరాలు...

ప్రియాంక చోప్రా చైల్డ్ హుడ్

అశోక్ చోప్రా మరియు మధు అఖౌరి వైద్య దంపతులకు జార్ఖండ్‌లోని జమ్‌షెడ్‌పూర్‌లో చోప్రా జన్మించింది. చోప్రా తన బాల్యాన్ని ఉత్తర్ ప్రదేశ్‌లోని బరేలిలో, మస్సాచుసెట్ట్స్‌లోని న్యూటన్ ప్రాంతంలో మరియు ఐవాలోని సెదర్ రాపిడ్స్ ప్రాంతంలో గడిపింది. ఆమె తండ్రి సైన్యంలో వైద్యుడు కావటం వలన వారు తరచుగా ప్రాంతాలు మారుతూ ఉండేవారు. ఆమె తండ్రి బరేలీలో స్థిరపడిన పంజాబ్‌కు చెందిన ఖత్రి కుటుంబానికి చెందినవాడు మరియు ఆమె తల్లి జమ్‌షెడ్‌పూర్‌లో స్థిరపడిన మలయాళీ కుటుంబానికి చెందినది. ఆమెకు ఆమెకంటే ఏడు సంవత్సరాలు చిన్నవాడైన సిద్ధార్థ్ అనే తమ్ముడు ఉన్నాడు.

మిస్ ఇండియా టైటిల్

2000 సంవత్సరంలో ప్రియాంక చోప్రా మిస్ వరల్డ్ కిరీటం దక్కించుకుంది.

ఆ ప్రశ్నకు సమాధానం..

మిస్ వరల్డ్ పోటీల సందర్భంగా జడ్జిలు ఆమెను జీవించిన ఉన్న వారిలో గొప్ప మహిళ ఎవరు? అని అడగ్గా....అందుకు సమాధానంగా మధర్ థెరిస్సా పేరు చెప్పింది.

నటనా రంగంలోకి...

తమిళంలో 2002 సంవత్సరంలో విజయ్ హీరోగా తెరకెక్కిన చిత్రంతో ప్రియాంక చోప్రా తన నట జీవితం ప్రారంభించింది.

బాలీవుడ్ ఎంట్రీ

అనిల్ శర్మ దర్శకత్వంలో తెరకెక్కిన ‘ది హీరో: లవ్ స్టొరీ ఆఫ్ ఎ స్పై' (2003) ద్వారా ఆమె బాలీవుడ్ రంగప్రవేశం చేసింది కానీ అదే సంవత్సరంలో రాజ్ కన్వర్ దర్శకత్వంలో వచ్చిన అందాజ్ చిత్రం ద్వారా ఆమెకు పరిశ్రమలో తొలి విజయం లభించింది.

సింగింగ్ టాలెంట్

ప్రియాంక చోప్రా వెస్టర్న్ క్లాసికల్ మ్యూజిక్‌లో శిక్షణ పొందింది. ఇప్పటికే రెండు మ్యూజిక్ ఆల్బమ్స్ విడుదల చేసింది. త్వరలో రాబోతున్న ‘మేరీ కోమ్' చిత్రంలో కూడా ఓ పాట పాడబోతోంది.

ప్రియాంక చోప్రా ముద్దు పేరు

మీడియాలో ప్రియాంక చోప్రాను....పీసీ, పిగ్గీ చాప్స్ అని పిలవడం మనం వింటూనే ఉన్నాం. కానీ ఆమె అసలు పెట్ నేమ్ మిమి.

ప్రపంచ సుందరి

ప్రపంచ సుందరి కిరీటాన్ని దక్కించుకున్న ఐదవ భారతీయ మహిళగా మరియు ఏడు సంవత్సరాల కాలంలో కిరీటం దక్కించుకున్న నాల్గవ మహిళగా చోప్రా ప్రసిద్ధి గాంచింది.

మార్షల్ ఆర్ట్స్‌లో ట్రైనింగ్

డాన్, ద్రోణా, మేకీ కోమ్ లాంటి యాక్షన్ చిత్రాల్లో నటించిన ప్రియాంక చోప్రా మార్షల్ ఆర్ట్స్‌లో కూడా శిక్షణ పొందింది.

ఫ్యామిలీ రిలేషన్స్

ప్రియాంక చోప్రా కజిన్ పరిణీతి చోప్రా కూడా సినిమా రంగంలో హీరోయిన్‌గా రాణిస్తోంది. మరో కజిన్ మీరా చోప్రా తెలుగులో బంగారం చిత్రంలో పవన్ కళ్యాణ్‌కు జోడీగా నటించింది.

లక్షలాది మంది పాలోవర్స్

ప్రియాంక చోప్రాకు ట్విట్టర్లో ఏకంగా 65 లక్షల మంది ఫాలోవర్స్ ఉన్నారు. హీరోయిన్లలో ఇప్పటి వరకు ప్రియాంక చోప్రానే టాప్.

ఇన్‌స్టాగ్రామ్‌లోనూ...

సెలబ్రిటీలు ఎక్కువగా ఉపయోగించే ఇన్‌స్టాగ్రామ్‌లోనూ ప్రియాంకకు 5 లక్షల పైచిలుకు ఫాలోవర్స్ ఉన్నారు.

ఫేవరెట్ ఫెర్ఫ్యూమ్

ప్రియాంక చోప్రా ఫేవరెట్ పెర్ఫ్యూమ్ రాఫ్ లారెన్స్ రొమాన్స్.

తండ్రి మరణం

ఇటీవలే ప్రియాంక చోప్రా తండ్రి అశోక్ చోప్రా మరణించారు. అయితే తండ్రి మరణం తర్వాత వెంటనే కోలుకుని నాలుగు రోజుల్లోనే తన పనిలో నిమగ్నమయింది.

కార్ కలెక్షన్

ప్రియాంక చోప్రా వద్ద పోర్షే కారుతో పాటు, బిఎండబ్ల్యు 7 సిరీస్, మెర్సిడెస్ ఎస్ క్లాస్ కార్లు ఉన్నాయి.

ఉమ్రా జాన్

బాలీవుడ్ మూవీ ‘ఉమ్రా జాన్'లో తొలుత ప్రియాంక చోప్రానే తీసుకోవాలనుకున్నారు. కానీ ఆమె డేట్స్ అడ్జెస్ట్ కాక పోవడంతో ఆ స్థానంలో ఐశ్వర్యరాయ్‌ని తీసుకున్నారు.