హోమ్

న్యూస్

పోయిన వారం పవర్ స్టార్ పవన్ కళ్యాణ్ 'పంజా' సినిమా భారీ అంచనాలతో విడులైన సంగతి తెలిసిందే. ఈ వారంలో ఏకంగ అరడజను సినిమాలు థియేటర్లపైకి దూకాయి. ఇప్పటికే హాలీవుడ్ డబ్బింగ్ సినిమా మిషన్ ఇంపాజబుల్4 తెలుగు అనువాద చిత్రం విడుదల కాగా...ఈ రోజు శర్వానంద నటించిన 'జర్నీ', ఉదయ్ కిరణ్-శ్వేతాబసు నటించిన 'నువ్వెక్కడుంటే నేనక్కడుంటా', ఆర్తీ అగర్వాల్ చిత్రం 'వన కన్య-వండర్ వీరుడు', శ్వేతామీనన్ నటించి 'రతినిర్వేదం', హారర్ నేపథ్యంలో సాగే 'దెయ్యం ఉందా?', దునియా చిత్రాలు విడుదలయ్యాయి.

మురుగదాస్ నిర్మించిన జర్నీ మూవీ ఇప్పటికే తమిళంలో ఎంగేయుమ్-ఎప్పోదుమ్ పేరుతో విడుదలై వంద రోజుల దిశగా దూసుకెలుతోంది. అదే విధంగా ఉదయ్ కిరణ్-శ్వేతాబసులు ఈ సినిమా ద్వారా మళ్లీ తెలుగు తెరపై తమ స్థానం సుస్థిరం చేసుకునే ప్రయత్నంలో ఉన్నారు. శ్వేతామీనన్ హాట్ అండ్ రొమాంటిక్ లవ్ స్టోరీ రతినిర్వేదంపై కూడా మంచి అంచనాలే ఉన్నాయి. మరి ఈ ఐదు సినిమాల్లో బాక్సాఫీసు వద్ద సక్సెస్ అయ్యేది ఎవరో రెండు రోజుల్లో తేలిపోనుంది.