'ఈరోజుల్లో' అంతా బూతేనని సెన్సార్ కు ఫిర్యాదు

News

oi-Surya Prakash

By Srikanya

| Published: Sunday, April 8, 2012, 9:54 [IST]

'ఈరోజుల్లో' సినిమాను చూసిన వారు కొందరు అంతా బూతేనని సెన్సార్ వాళ్ళకు కూడా ఫిర్యాదు చేశారు. ఇటీవల నేను కాకినాడలో కొందరు యువతీయువకుల్ని కలిసి 'బూతు ఉందట కదా సినిమాలో' అని అడిగాను. అందుకు వాళ్ళు 'వ్యావహారిక భాషనే కదా సార్ వాడారు. అందులో బూతు ఏముంది?' అని అడిగారు. సినిమాల్లో మంచీ చెడు ఎప్పుడూ ఉన్నాయి. మనం చూసేదాన్ని బట్టి ఉంది. ఇందులో నా పాత్రకు కూడా మంచి స్పందన వస్తున్నందకు ఆనందంగా ఉంది'' అన్నారు తమ్మారెడ్డి భరద్వాజ. ఆయన తాజాగా గెస్ట్ గా కనిపించిన 'ఈరోజుల్లో'చిత్రం అభినందన సభలో మాట్లాడుతూ ఇలా స్పందించారు.

అలాగే సినిమా తీయడానికి ప్లానింగ్ ఉండాలి. బడ్జెట్ నియంత్రణలో ఉండే విధంగా మంచి సినిమాను నేను తీసి చూపిస్తానని అప్పుడు చెప్పాను. కుదర్లేదు. కానీ 'ఈరోజుల్లో' చూస్తే అప్పుడు నేను కలగన్న సినిమా ఇలాంటిదే అనిపించింది. ఈ చిత్రం ఇచ్చిన స్ఫూర్తితో నేను కూడా వెంటనే ఓ చిత్రాన్ని మొదలుపెట్టేయాలన్నంత ఉత్సాహం వచ్చింది అని చెప్పుకొచ్చారు. మూడు వారాల క్రితం విడుదలైన లో బడ్జెట్ చిత్రం 'ఈరోజుల్లో'కలెక్షన్స్ పరంగా ఘన విజయం సాధించింది.

దర్శకుడు మారుతి చెబుతూ " మొదటి నుంచీ భరద్వాజగారు ఇచ్చిన ప్రోత్సాహం మరువలేనిది. తక్కువ బడ్జెట్‌తో సినిమా తీశామని అంటున్నారు. మేం పాషన్‌తో సినిమా తీశాం. రోజుకు 18 గంటలు కష్టపడ్డాం. ఈ పరిశ్రమకు రాదల్చుకున్న వాళ్ళు ఎవరైనా ముందు దానికి సిద్ధపడాలి'' అన్నారు.

ఇక నిర్మాత ఎస్సేఎన్ మాట్లాడుతూ.. "సినిమా ఇంతటి విజయం సాధిస్తేగానీ పరిశ్రమ మావైపు తిరిగి చూడదని ముందే తెలుసు. అందుకే పెద్ద హిట్టు కొట్టాలనే కసిగా పనిచేశాం. తమ్మారెడ్డిగారి ప్రోత్సాహం మరువలేనిది'' అని అన్నారు. సినిమా విజయం పట్ల శ్రీ, రేష్మి, ఇతర నటీనటులు ఆనందాన్ని వ్యక్తం చేశారు. ఇక ఇప్పటికే మారుతి కి బయిట నుంచి మంచి ఆఫర్స్ వస్తున్నాయి. అలాగే హీరో శ్రీనివాస్ కు ఎ ఫిల్మ్ బై అరవింద్ చిత్రం సీక్వెల్ లో హీరోగా ఎంపిక చేసారు.