కేసీఆర్ పై సినిమా...ఇదిగో టీజర్(వీడియో)

By Srikanya

Updated: Sunday, April 27, 2014, 16:44 [IST]

హైదరాబాద్: రాజకీయనాయకుల సీజన్ ఇది. తమ అభిమాన రాజకీయ నాయుకుల జీవితాలపై సినిమాలు తీయటం మొదలెడుతున్నారు. తాజాగా టీఆర్ ఎస్ పార్టీ నేత కేసీఆర్ పై ఓ చిత్రం రూపొందుతోంది. 'గులాబి దళపతి '. పర్స రమేష్‌మహేంద్ర ఈ చిత్రాన్ని డైరక్ట్ చేస్తున్నారు. పర్స రమేష్ మహేంద్ర...గతంలో తొమ్మిదివందల తొంభై తొమ్మిది రూపాయలు మాత్రమే (రూ.999/-) సినిమాను తెరకెక్కించారు . తెలంగాణ ఆర్ట్స్ పతాకంపై గట్టు విజయ్ (నెక్కొండ) ఈ చిత్రాన్ని నిర్మిస్తున్నారు. ఈ సినిమా టీజర్‌ను తెలంగాణ జాగతి అధ్యక్షురాలు కల్వకుంట్ల కవిత ఇటీవలే విడుదల చేశారు. ఆ వీడియో ఇదే...

బోర్న్ ఫర్ తెలంగాణ అనే టైటిల్ తో ఈ చిత్రం రూపొందుతోంది. ఈ ట్రైలర్ లో ... "ఒక అవమానం భారత దేశానికి జాతి పితను చేసింది...ఒక అసమానత భారత రాజ్యంగానికి రూపకర్తను చేసింది...ఒక అణిచివేత ఆరు దశాబ్దాల ఉద్యమానికి ఊపిరి పోసింది ..." అంటూ ఈ ట్రైలర్ వచ్చింది.

తెలంగాణప్రజల అరవైఏళ్ల చిరకాల స్వప్నాన్ని సాకారం చేయడానికి ప్రాణాలను సైతం లెక్కచేయకుండా ఉద్యమమే ఊపిరిగా పోరాటం సాగించిన ప్రముఖ రాజకీయ నాయకుడి జీవన ప్రస్థానమే ఇతివత్తంగా గులాబీ దళపతి చిత్రాన్ని రూపొందిస్తున్నామని దర్సకుడు చెప్పారు దర్శకుడు ఈ చిత్రానికి సంబంధించిన నటీనటులు, సాంకేతిక నిపుణుల వివరాల్ని త్వరలో తెలియజేస్తామని దర్శకనిర్మాతలు తెలిపారు.

నిర్మాతలు మాట్లాడుతూ "తెలంగాణ ప్రజల 60 వసంతాల స్వప్నాన్ని సాకారం చేయడానికి సుదీర్ఘ పోరాటం చేసిన ఓ ప్రముఖ రాజకీయ నాయకుడికి సంబంధించిన అంశాలతో తెరకెక్కుతున్న సినిమా ఇది. 'గులాబీ దళపతి' అనే పేరు పెట్టాం. ఉద్యమమే ఊపిరిగా పోరాడిన ఆయన పోరాట స్ఫూర్తిని వెండితెరపై ఆవిష్కరిస్తాం. '' అని చెప్పారు.

More from Filmibeat