మళ్ళీ ఎన్టీఆర్ కడుపునే పుట్టాలి

By Staff

| Published: Wednesday, December 10, 2008, 16:00 [IST]

'ది గ్రాండ్‌ ఈవినింగ్‌ విత్‌ ఎన్‌.బి.కె' పేరుతో మలేషియాలోని బాలయ్య అభిమానులు ఆయనకు ఘనంగా సన్మానం చేసారు. బాలకృష్ణ హీరోగా వైష్ణవి సినిమా పతాకంపై శివలెంక కృష్ణప్రసాద్‌ నిర్మిస్తున్న చిత్రం షూటింగ్‌ ప్రస్తుతం మలేషియాలో జరుగుతోంది. ఈ సినిమా షూటింగ్‌ నిమిత్తం మలేషియా వెళ్లిన బాలకృష్ణను అక్కడి ప్రవాసాంద్రులు ఘనంగా సత్కరించారు.ఇక ఈ కార్యక్రమంలో మరో విశేషం బాలకృష్ణ సతీమణి వసుంధరాదేవి కూడా పాల్గొనటం.

ఇక ఈ సత్కార సభలో బాలకృష్ణ మాట్లాడుతూ 'దేశభాషలందు తెలుగు లెస్స' అన్నారు సాహితీ సమరాంగణ సార్వభౌముడు శ్రీకృష్ణ దేవరాయలు. అలాంటి మహనీయులు సైతం కీర్తించిన పవిత్రమైన తెలుగు నా మాతృభాష కావడం నిజంగా నా పుర్వజన్మ సుకృతం. తెలుగు జాతి ఖ్యాతి జగద్విఖ్యాతం కావాలని ఒక తెలుగువాడిగా ఎప్పుడూ ఆశిస్తా.అలాగే పుడితే మళ్లీ తెలుగువాడిగానే పుట్టాలని, ఎన్‌.టి.ఆర్‌. లాంటి మహానుభావుడికే కొడుకుగా పుట్టాలని కోరుకుంటున్నాను' అన్నారు. చిగురుపాటి అనీల్‌కుమార్‌, హరీష్‌ దొప్పలపూడి, సత్యనారాయణ నందమూరిల ఆధ్వర్యంలో ఈ కార్యక్రమం జరిగింది.