'అరుంధతి మళ్లీ పుట్టింది'

By Staff

| Published: Tuesday, May 5, 2009, 12:33 [IST]

అరుంధతి చిత్రం క్రేజ్ క్యాష్ చేసుకోవటానికి ప్రయత్నాలు ప్రారంభమయ్యాయి. అందులో భాగంగా సాయి సంతోష్‌ ఆర్ట్‌ ప్రొడక్షన్‌ సంస్థ 'అరుంధతి మళ్లీ పుట్టింది' టైటిల్ తో చిత్రాన్ని నిర్మించనుంది. అరుంధతి టైటిల్ లో ఉంటుంది కాబట్టి ఓపినింగ్స్ కి ఇబ్బంది ఉండదని వారు భావిస్తున్నారని సమాచారం. ఇక ఇందులో నటుడు బాలాజీ విలన్‌గా నటించనున్నారు. జూన్‌లో ప్రారంభమయ్యే ఈ చిత్రంలో నలుగురు హీరోలు, నలుగురు హీరోయిన్లు నటిస్తారని నిర్మాత పురుషోత్తమరెడ్డి చెప్పారు.

అలాగే అరుంధతిని పోలిన హర్రర్ చిత్రాన్ని ఎమ్.ఎస్.రాజు మళ్ళీ కోడిరామకృష్ణతో కలిసి ప్లాన్ చేస్తున్నారని ఓ ప్రక్క వార్తలు వస్తున్నాయి.ఇందులో ప్రదాన పాత్రకు నయనతారని అడిగారని సమాచారం. ఇక మరో నాలుగు హీరోయిన్ ఓరియెంటెడ్ హర్రర్ చిత్రాలు కూడా త్వరలోనే ప్రారంభం కానున్నాయి.అప్పట్లో దేవదాసు హిట్ ని రిపీట్ చేయటానికి దేవదాసు మళ్ళీ పుట్టాడు అనే టైటిల్ తో ఓ సినిమా వచ్చిన సంగతి తెలిసిందే. అయితే వీటిల్లో ఒక్కటైనా అరుంధతి చిత్రం హిట్ ని రిపీట్ చేయగలదా అనేది మాత్రం సందేహమే.