హోమ్

న్యూస్

బాలకృష్ణ కెరీర్ లో శ్రీరామరాజ్యం చిత్రం ఓ కొత్త రికార్డుని క్రియేట్ చేసింది.బాపూ రూపొందించిన ఈ పౌరాణిక చిత్రం బడ్జెట్ ముప్పై రెండు కోట్లు అవటమే రికార్డు.ఇన్నాళ్ళూ బాలకృష్ణ చిత్రం అంటే ఇరవై నుంచి పాతిక కోట్లు బడ్జెట్ తో ఉండేవి.అయితే తొలిసారిగా ఈ చిత్రం కోసం ఆ రేంజి బడ్జెట్ ని ఖర్చు పెట్టారు.అయితే ఈ చిత్రం అంత ఖర్చుపెట్టినందుకు అంత గొప్పగానూ వచ్చిందని నిర్మాతలు మాత్రం చాలా హ్యాపీగా ఉన్నారు.ఈ చిత్రం బడ్జెట్ లో ఎక్కువ భాగం విజువల్ ఎఫెక్టులకు,సెట్స్ కు ఖర్చు అయింది.

దీనికి తోడు ఈ చిత్రంలో వాల్మికి గా అక్కినేని,లక్ష్మణుడుగా శ్రీకాంత్,భరతుడుగా సాయికుమార్,చాకలితిప్పడుగా బ్రహ్మానందం,జనకమహారాజుగా మురళీ మోహన్, భూదేవిగా జయసుధ వంటి స్టార్ నటులు నటించారు.అలాగే ముఖ్యపాత్రలైన రాముడుగా బాలకృష్ణ,సీతా దేవిగా నయనతార నటించి మెప్పించారు.యలమంచిలి శివాజి నిర్మించిన ఈ చిత్రానికి రచన స్వర్గీయ ముళ్లపూడి వెంకట రమణ చేయగా,సంగీతం ఇళయరాజా అందించారు.ఆగస్టు పదిహేనవ తేదీన ఈ చిత్రం ఆడియోని భద్రాచలంలో ఆవిష్కరించనున్నారు.