ముంబై ధారావీ బ్యాచ్‌కి రజినీ సినిమా అవకాశం

పాత నేరస్తుల అడ్డా అన్న మార్క్

దిగువ మధ్య తరగతి జీవితాలు అక్కడ కనిపిస్తాయ్... అల్లరి గ్యాంగులు కొన్ని సంవత్సరాల కిందటి వరకూ కనిపించేవి గానీ ఇప్పుడు ఆపరిస్థితి లేదు అక్కడా ఇంకా అదే పాత నేరస్తుల అడ్డా అన్న మార్క్ తో ఉండి పోయిన ధారావీ లో చాలానే విషయాలున్నాయ్... ముఖ్యంగా ఓ ర్యాప్‌ గ్రూప్‌ చాలా ఫేమస్‌.

చాలామంది అభిమానులు ఉన్నారు

ఆ గ్రూప్‌లో ఉన్నది నలుగురే. టీవీ షోస్, స్ట్రీట్‌ షోస్‌లో ఈ ర్యాప్‌ గ్రూప్‌ చేసే సందడికి చాలామంది అభిమానులు ఉన్నారు. ఇంగ్లిష్, హిందీ, తమిళ, మరాఠీ, మలయాళం భాషల్లో ఈ గ్రూప్‌ సాంగ్స్‌ తయారు చేసి, పాడుతుంటారు. ఈ ర్యాప్‌ గ్రూప్‌కి ఓ జాక్‌పాట్‌ తగిలింది.

‘కాలా'లో ఛాన్స్‌

ఏకంగా సూపర్‌స్టార్‌ రజనీకాంత్‌ హీరోగా నటిస్తున్న ‘కాలా'లో ఛాన్స్‌ దక్కింది. చిత్రదర్శకుడు పా. రంజిత్‌ వీళ్లను హిప్‌ హాప్‌ గ్రూప్‌గా సినిమాలో చూపించనున్నారు. ఈ సన్నివేశాల్లో వచ్చే పాటకు ఈ ర్యాప్‌ గ్రూప్‌ ట్యూన్‌ కూడా రెడీ చేసింది. అంతా ఓ కలలా అనిపిస్తోన్న ఈ గ్రూప్‌కి రజనీకాంత్‌ని కలవడం ఓ స్వీట్‌ షాక్‌లా అనిపించిందట.

టోనీ సెబాస్టియన్‌

షూటింగ్‌ స్పాట్‌లో రజనీ సార్‌ని కలసినప్పుడు నోట మాట రాకుండా ఆయన్ను చూస్తూ ఉండిపోయామని ర్యాప్‌ గ్రూప్‌లో ఒకరైన టోనీ సెబాస్టియన్‌ చెప్పాడు. సూపర్‌స్టార్‌ రజనీ సార్‌ సినిమాలో ఛాన్స్‌ రావడం మాకు ఆనందంగా ఉందన్నారు. అప్పటివరకూ ఒక నార్మల్ ర్యాప్ గ్రూప్గానే ఉన్న తమకి ఇలా రజినీ సినిమాలో చాన్స్ రావడం మీద చాలా అనందం వ్యక్తం చేసారు..