Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
‘డబుల్ బొనాంజా’ స్పెషల్ గా పుట్టిన రోజు జరుపుకుంటున్న మంచు విష్ణు
డిసెంబర్ 2 ఎప్పుడొస్తుందా... అని యువ కథానాయకుడు మోహన్ బాబు పెద్ద కుమారుడు, హీరో మంచు విష్ణు ప్రస్తుతం అమెరికాలో రోజులు లెక్కపెడుతూ ఎదురుచూస్తున్నాడు. ఎందుకంటే, ఆ రోజు తన జీవితంలో మధురమైన రోజు కానుంది. ఆ రోజు తను ఇద్దరు పిల్లలకు తండ్రి కాబోతున్నాడు! విష్ణు భార్య వేరోనికా కవల పిల్లలకు జన్మనివ్వనున్న సంగతి తెలిసిందే. డాక్టర్లు డిసెంబర్ 2 డేట్ ఇచ్చారు. వేరోనికా యూఎస్ సిటిజన్ కావడంతో డెలివరీ అక్కడ చేసుకుంటున్నారు. ఆ మధుర క్షణాల కోసం మోహన్ బాబు కుటుంబసభ్యులంతా ఇప్పటికే అక్కడికి చేరుకున్నారు. అన్నట్టు ఈ రోజు (నవంబర్ 23) విష్ణు పుట్టిన రోజు! ఈ వేడుకను అక్కడే ఫ్యామిలీ మెంబర్స్ మధ్య జరుపుకుంటున్నాడు. ఈ జన్మదినం తనకు ప్రత్యేకమైనదనీ, ఒకేసారి ఇద్దరు పిల్లలకు తండ్రిని అవుతున్నందుకు ఆనందంగా ఉందనీ విష్ణు చెబుతున్నాడు.
డిసెంబర్లో ఇండియాకు వస్తాననీ, జనవరిలో నాగేశ్వరరెడ్డి డైరెక్షన్లో రూపొందే సినిమా షూటింగులో పాల్గొంటాననీ అంటున్నాడు. విష్ణు ప్రస్తుతం ఓ హిట్ కోసం ఎదురుచూస్తున్నాడు. ఆమధ్య వచ్చిన 'డీ' సినిమా తర్వాత మళ్లీ అతనికి సక్సెస్ లేదు. తన స్వంత బ్యానర్ లో వస్తాడు నా రాజు సినిమా బాక్సాఫీ వద్ద అంత మంచి ఫలితాలను ఇవ్వలేకపోయింది. ఆ తర్వాత ఏ సినిమా చేయలేదు. ఈ నేపథ్యంలో ఓ వినోదాత్మక కథను తన తదుపరి చిత్రానికి ఎంచుకున్నాడు. జి.నాగేశ్వర్ రెడ్డి దర్శకత్వం వహించే ఈ చిత్రాన్ని శ్రీ లక్ష్మీ ప్రసన్న పిక్చర్స్ బ్యానర్ పై నిర్మిస్తున్నారు. ప్రస్తుతం స్క్రిప్టు వర్క్ జరుగుతోంది. మరో పక్క డిసెంబర్లో షూటింగు ప్రారంభించడానికి సన్నాహాలు చేస్తున్నారు. సో త్వరలో ఒకేసారి ఇద్దరి పిల్లలకు తండ్రి కాబోతున్న సుభ సందర్భంగా విష్ణుకి దట్స్ తెలుగు.కాం తరపున హృదయ పూర్వక జన్మదిన శుభాకాంక్షలు తెలుపుతోంది.