ఆ సినిమాకి జెడీ డైరక్టరా?

By Staff

Published: Friday, December 5, 2008, 10:32 [IST]

ప్రపంచమంతా ప్రశంసలు పొందిన డిపార్టెడ్ సినిమాను నాసిరకం హోమం గా ఫ్రీమేక్ చేసిన జెడి చక్రవర్తి తాజాగా మరో రీమేక్ కి పూనుకుంటున్నాడని సమాచారం. బాలీవుడ్ లో సంచలన కలెక్షన్స్ సృష్టించిన ఎ వెడ్నస్ డే చిత్రాన్ని ఆయన తనదైన శైలిలో రూపొందించనున్నారని తెలుస్తోంది.ఇందుకోసం హోమం నిర్మాత కోనేరు కిరణ్ కుమార్ వెడ్నస్ డే చిత్రాన్ని హెచ్చు మొత్తం చెల్లించి రైట్స్ తీసుకున్నారు. అక్కడ అధ్బుతంగా చేసిన అనుపమ ఖేర్,నసీరుద్దీన్ షా పాత్రలకు సరిపడ నటుల కోసం ప్రస్తుతం వేట జరుగుతోంది.

మళ్ళీ జగపతి బాబు నే నశీరుద్దీన్ షా పాత్రకు తీసుకుంటాడనే టాక్స్ వినపడుతున్నాయి. శ్రేయా ప్రొడక్షన్స్ పై నిర్మించే ఈ చిత్రానికి టైటిల్ కూడా గమ్మత్తుగా ఉండేటట్లు జెడి ప్లాన్ చేస్తున్నారు. ఇక ఆయన దర్శకత్వంలో ప్రస్తుతం అబ్ తక్ చప్పన్ సినిమా మోక్షం పేరుతో రూపొందుతోంది. ఇక వెడ్నస్ డే చిత్రం టెర్రరిజంపై ఓ సామాన్యుడు పోరుని చూపిస్తుంది. క్లైమాక్స్ ట్విస్ట్ ఈ సినిమాకు హైలెట్ గా నిలిచింది. మరి జెడి ఈ సినిమాను కమర్షియల్ ఫార్మెట్ అంటూ ఎన్ని కలిపి మసాలాగా మారుస్తాడో చూడాలి.

More from Filmibeat