కథ కాపీ కొట్టారంటూ కంప్లైయింటు..

By Staff

| Published: Friday, September 5, 2008, 17:46 [IST]

కామిడీ చిత్రాల దర్శకుడు శ్రీనివాస రెడ్డి తాజాగా దర్శకత్వం వహిస్తున్న "అఆఇఈ" (అతడు ఆమె ఇంతలో ఈమె) చిత్రం స్టోరీ రైట్స్ ఇప్పుడు సమస్యలో పడ్డాయి. నూతన కథా రచయిత గోళ్ళపాటి నాగేశ్వరరావు అందించిన ఈ కథ తమదే నంటూ కొందరు రచయితలు రచయితల సంఘాన్ని ఆశ్రయించారు. అందిన సమాచారాన్ని బట్టి 2003 లోనే ఈ సమస్య ప్రారంభమైంది. అప్పుట్లో 'ఈ పెళ్ళాం నాది కాదు' అనే రిలీజ్ కాని చిత్రాన్ని ఈధర కోదండరామ చౌదరి అనే నిర్మాత శ్రీనివాస్ అనే దర్శకత్వంలో నిర్మించారు. ఈ చిత్రం కథ అఆఇఈ (అతడు ఆమె ఇంతలో ఈమె) పోలి ఉంటుంది.

ఇక తర్వాత రాజేంద్ర ప్రసాద్ హీరోగా 'ఏవండోయ్ శ్రీవారు' పేరుతో మరో రిలీజ్ కాని చిత్రాన్ని ఈ కథను మధించి తీసారు. అప్పటి కథా చర్చల్లో రచయితలు రవి కొలికల పూడి,నంధ్యాల రవణ కుమార్ ఉన్నారు. ఇక ఇప్పుడా కథ మూడో వెర్షన్ అయిన అఆఇఈ (అతడు ఆమె ఇంతలో ఈమె) మళ్ళీ ట్రబుల్స్ లో పడింది. ఆ మిగతా చిత్రాలకి పనిచేసిన మూల రచయితలు ఈ సారి రైటర్స్ అశోసియేషన్ లోనూ,ఫిల్మ్ ఛాంబర్ లోనూ ఆ కథ తమదే అని కంప్లైంటు చేసారు. ఇక ఈ చిత్రంలో శ్రీకాంత్,మీరా జాస్మిన్,సదా హీరో హీరోయిన్లుగా చేస్తున్నారు. ఇంకా ఈ కంప్లెయింటు పై ఏ నిర్ణయిం తీసుకోలేదు.