Don't Miss!
- News ఏపీ ఇంటెలిజెన్స్ డీజీగా కుమార్ విశ్వజిత్, విజయవాడ సీపీగా రామకృష్ణ
- Sports DC vs GT: ఆ తప్పిదంతోనే ఓడిపోయాం: శుభ్మన్ గిల్
- Lifestyle పెళ్లైన వ్యక్తితో డేటింగా? కాస్త ముందు..వెనకా ఆలోచించండి..లేదంటే కొంప కొల్లేరే..!
- Technology OPPO Find X7 Ultra కెమెరా రివ్యూ! అద్భుతమైన ఫీచర్లతో, బెస్ట్ కెమెరా ఫోన్!
- Automobiles 323 కి.మీ రేంజ్తో ప్రీమియం ఎలక్ట్రిక్ బైక్ విడుదల.. ధర తెలిస్తే కొనేందుకు ఆలోచిస్తారు..!!
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
‘నీవెవరో’ టైటిల్ ఫిక్స్ చేశారు.... సూపర్ అంటున్న హీరో నాని!
ఆది పినిశెట్టి, తాప్సీ, రితికా సింగ్ ప్రధాన పాత్రల్లో తెరకెక్కబోతున్న చిత్రానికి 'నీవెవరో' టైటిల్ ఫిక్స్ చేశారు. నేచురల్ స్టార్ నాని చేతుల మీదుగా టైటిల్ లోగో గురువారం విడుదల చేశారు. కోన ఫిల్మ్ కార్పొరేషన్, ఎంవీవీ సినిమా సంయుక్తంగా ఈచిత్రాన్ని నిర్మిస్తున్నారు. కోన వెంకట్, ఎంవీవీ సత్యనారాయణ నిర్మాతలుగా 2017లో వచ్చిన 'నిన్ను కోరి' సినిమా మంచి విజయం సాధించింది. అందులో నాని హీరోగా నటించగా ఆది పినిశెట్టి కీలకమైన పాత్ర చేశారు. ఆ షూటింగ్ సమయంలోనే ఆది హీరోగా సినిమా చేయాలని నిర్మాతలు డిసైడ్ అవ్వగా ఎట్టకేలకు 'నీవెవరో' ప్రారంభం అయింది.
ఆసక్తికరంగా సాగే ప్రేమ కథ
‘నీవెవరో' చిత్రానికి హరినాథ్ దర్శకత్వం వహించగా కోన వెంకట్ కథ అందించారు. ప్రేమకథా చిత్రంగా దీన్ని రూపొందిస్తున్నారు. హీరో ఆది, తాప్సీ, రితికా సింగ్ మధ్య జరిగే ఈ స్టోరీ ఆసక్తికరంగా ఉండబోతోందని తెలుస్తోంది.
లాంగ్ గ్యాప్ తర్వాత ఆది, తాప్సీ
ఇంతకు ముందు ఆది, తాప్సీ కలిసి ‘గుండెల్లో గోదారి' చిత్రంలో కలిసి నటించారు. లాంగ్ గ్యాప్ తర్వాత మళ్లీ ఈ ఇద్దరి కాంబినేషన్ సెట్టయింది. వెంకటేష్ మూవీ ‘గురు' సినిమా ద్వారా హీరోయిన్ గా తెలుగు ప్రేక్షకులకు పరిచయమైన రితికి సింగ్కు ‘నీవెవరో' రెండో చిత్రం.
ఇద్దరూ ఫాంలో ఉన్న స్టార్సే
ఆది తెలుగులో నటించిన ‘రంగస్థలం' ఇటీవలే విడుదలైన బ్లాక్ బస్టర్ విజయం అందుకుంది. ఈ చిత్రంలో ఆది హీరో అనయ్య పాత్రలో నటించారు. తాప్సీ తెలుగులో నటించిన హారర్ కామెడీ ‘ఆనందో బ్రహ్మ' బాక్సాఫీస్ వద్ద మంచి విజయం సాధించింది. ఇద్దరూ మంచి ఫాంలో ఉన్న స్టార్సే కావడంతో సినిమాపై మంచి అంచనాలున్నాయి.
|
బెస్ట్ విషెస్ తెలుపుతూ నాని ట్వీట్
‘నీవెవరో' మూవీ టైటిల్ లోగో లాంచ్ చేసిన సందర్భంగా నాని చిత్ర బృందానికి బెస్ట్ విషెస్ తెలుపుతూ ట్వీట్ చేశారు.