Don't Miss!
- News బీఆర్ఎస్కు భారీ షాక్: ఎంపీ కే కేశవరావు, మేయర్ విజయలక్ష్మి కాంగ్రెస్లోకి
- Sports RR vs DC: రియాన్ పరాగ్ విధ్వంసం.. 6 బంతుల్లో 5 బౌండరీలు!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
తన ఎదుగుదలే ముఖ్యం అనుకొనే 'సుకుమారుడు'
హైదరాబాద్ : ''సినిమాలో నా పేరు సుకుమార్. పేరుకే సుకుమారుడు కానీ అసలు కుటుంబ సంబంధాలు పట్టనివాడు. తన ఎదుగుదలే ముఖ్యం అనుకొనే తత్వం ఉన్నవాడు. అలాంటి కుర్రాడికి ప్రేమానురాగాల విలువ ఎలా తెలిసిందన్నది కథలో కీలకాంశం. అంటూ తన తాజా చిత్రం 'సుకుమారుడు' గురించి ఆది చెప్పుకొచ్చారు. 'సుకుమారుడు' చిత్రం ఈ నెల 10న ప్రేక్షకుల ముందుకొస్తుంది.
అలాగే ... దర్శకుడు అశోక్ కథ చెప్పిన విధానం నాకు బాగా నచ్చింది. ఆయన నా పాత్రనే కాదు.. సినిమాలో అన్ని పాత్రలను బాగా తీర్చిదిద్దారు. సినిమా చూసిన వారందరికీ ఈ పాత్రలు గుర్తుండిపోతాయి. దర్శకుడు ఇచ్చిన ఓ ఆలోచనతో హాలీవుడ్ నటుడు జిమ్క్యారీ తరహాలో నటించేందుకు ప్రయత్నించాను అన్నారు.
ఇక ''ఎన్టీరామారావు గారి మయసభ సంభాషణనని ఒకే టేక్లో చెప్పేశాను. ఇది అందరికీ నచ్చుతుంది. ఇప్పటి వరకు మూడు సినిమాలే చేసినా.. చాలా విషయాలు నేర్చుకున్నాను. ప్రతి సినిమాలోనూ.. ప్రతి ఒక్క నటుడు, సాంకేతిక నిపుణుడి నుంచి ఏదోక విషయం తెలిసేది. 'లవ్లీ' క్త్లెమాక్స్లో ఏడు పేజీల సంభాషణలను చెప్పాల్సి వచ్చింది. ఆ అనుభవం ఈ సినిమాలో ఉపయోగపడింది. ఫైట్స్ విషయంలోనూ పలు జాగ్రత్తలు తీసుకున్నాను'' అన్నారు.
అంతేకాదు... ''నా తొలి సినిమా నుంచీ అనూప్ రూబెన్స్ సంగీతాన్ని అందిస్తున్నాడు. ఆయన సంగీతం యువతనే కాదు.. అందరినీ కట్టిపడేసేలా ఉంటుంది. సుదీర్ఘమైన అనుభవం ఉన్న శారద, కృష్ణ గార్లతో నటించడం ఓ అదృష్టం. కృష్ణగారు నేను కలిసి కనిపించే దృశ్యాలు చాలా తక్కువ. అయినా ఆయనతో చేసిన క్షణాలన్నీ మరిచపోలేనివి. నిషా అగర్వాల్ పల్లెటూరు యువతిగా కనిపిస్తుంది. మరో నాయికగా భావన నటించింది. వీరి పాత్రలూ అందరికీ నచ్చుతాయి'' అని చెప్పుకొచ్చారు.
ఆది, నిషా అగర్వాల్, భావన ముఖ్య పాత్రలో ఊర్వశి శారద, ఓ ప్రత్యేక పాత్రలో సూపర్ స్టార్ కృష్ణ నటిస్తున్న ఈ చిత్రంలో ఎం.ఎస్.నారాయణ, తనికెళ్ల భరణి, రావు రమేష్, చలపతిరావు, సంజయ్, తాగుబోతు రమేష్ తదితరులు కీలక పాత్రలు పోషిస్తున్నారు. ఈ చిత్రానికి సంగీతం: అనూప్ రూబెన్స్, ఫొటోగ్రఫీ: శ్రీరామ్, ఎడిటింగ్: ప్రదీప్, ఆర్ట్: రామ్, డాన్స్: జులాయి శేఖర్, కో ప్రొడ్యూసర్: బాబ్జీ, సమర్పణ: కె.వి.వి.సత్యనారాయణ, నిర్మాత: కె.వేణుగోపాల్, కథ, స్ర్కీన్ ప్లే, మాటలు, దర్శకత్వం: అశోక్ జి.