హోమ్

న్యూస్

ప్రేమ కావాలి సినిమాతో ఇండస్ట్రీలోకి ఎంట్రీ ఇచ్చిన హీరో ఆది. మొదటి సినిమాతోనే మంచి మార్కులు కొట్టేసినా కానీ ఆ తర్వాత అనుకున్నంతగా మెప్పించలేకపోయాడు. వరుసగా అపజయలనే అందుకున్నాడు. ఎన్ని ప్రయత్నాలు చేసినా ఇక పెద్ద సక్సెస్ అనేది కష్టమే అని అర్థమయినట్టే, శమంతకమణి లాంటి సినిమాతో మల్టీ స్టారర్ కూడా అయ్యాక.. అక్కడా పెద్దగా గుర్తింపులేకపోవటంతో ఇక లాభం లేదనుకొని మనోడు ఈ సారి హార్రర్ కామెడీని మిక్స్ చేసిన నెక్స్ట్ నువ్వే అనే కథతో రాబోతున్నాడు.

అయితే ఆ చిత్రం తర్వాత ఆది తమిళ్ లో కూడా తన సినిమాలను రిలీజ్ చెయ్యాలని అనుకుంటున్నాడు. ఒకేసారి తెలుగు - తమిళ్ లో తెరకెక్కించి తన అదృష్టాన్ని పరీక్షించుకోవడానికి రెడీ అయ్యాడు. మొదట దీకాయ్ అనే యువ దర్శకుడి కథతో రాబోతున్నాడట. ఆ సినిమా కామెడీ అడ్వెంచర్ తరహాలో తెరకెక్కనుంది.

అలాగే వరదరాజ్ అనే మరో తమిళ్ దర్శకుడితో ప్రేమ కథను ఒకే చేశాడు. ఈ రెండు సినిమాలను కోలీవుడ్ ప్రముఖ నిర్మాణ సంస్థ స్టూడియో గ్రీన్ ఒకేసారి తెలుగు తమిళ్ లో నిర్మించబోతోందని సమాచారం. మరి ఆది ఆ సినిమాలతో అయినా హిట్ అందుకుంటాడో లేదో చూడాలి. ఇక ప్రస్తుతం నెక్స్ట్ నువ్వే అనే సినిమా షూటింగ్ చివరి దశలో ఉంది. రీసెంట్ గా రిలీజ్ చేసిన ట్రైలర్ బాగానే ఉంది. నవంబర్ లో ఆ సినిమాను రిలీజ్ చేసేందుకు నిర్మాతలు సన్నహాలు చేస్తున్నారు.