హోమ్

న్యూస్

క్యారెక్టర్ ఆర్టిస్ట్ ప్రకాష్ రాజ్ స్వీయ నిర్మాణంలో రూపొందిన సినిమా 'ఆకాశమంత'. రాధా మోహన్ దర్శకత్వంలో రూపొందిన ఈచిత్రం కలెక్షన్లు పెద్దగా రాబట్టలేక పోయినా....ఒక మంచి ఫీల్ గుడ్ చిత్రంగా ప్రకాష్ రాజ్‌కు మంచి గుర్తింపు వచ్చింది. తాజాగా ఈచిత్రాన్ని బాలీవుడ్ మిస్టర్ పర్‌ఫెక్ట్ అమీర్ ఖాన్ చేయబోతున్నారు. ప్రకాష్ రాజ్ పోషించిన పాత్రను అమీర్ పోషిస్తారని తెలుస్తోంది.

బాలీవుడ్ టాప్ హీరోల్లో ఒకరైన అమీర్‌కి ఇతర హీరోల కంటే ప్రత్యేకమైన లక్షణాలు ఉన్నాయి. తన చేయబోయే సినిమా ఇటు ఎంటర్‌టైన్మెంట్‌తో, మెసేజ్ పుల్‌గా, ఫీల్ గుడ్‌గా ఉండేలా చూసుకుంటాడు. ఆయన ఏ పాత్ర పోషించినా దానికో అర్థం ఉంటుంది. ఆకాశమంత సినిమా చూసిన తర్వాత బాగా ఇంప్రెస్ అయిన అమీర్‌ఖాన్ ప్రకాష్ రాజ్ పోషించిన పాత్ర తనకు బాగా సూట్ అవుతుందని ఫిక్స్ అయ్యారట.

హిందీలో ఈచిత్రాన్ని బోనీ కపూర్ నిర్మించనున్నట్లు తెలుస్తోంది. అయితే మరి దర్శకత్వం వహించేది ఎవరు అనేదానిపై ఇంకా స్పష్టత రాలేదు. త్వరలోనే ఇందుకు సంబంధించిన పూర్తి వివరాలు తెలియనున్నాయి.

అమీర్ ఖాన్ తాజాగా 'సత్యమేవ జయతే' అనే టీవీ రియల్టీ షో చేస్తున్న సంగతి తెలిసిందే. ఈ కార్యక్రమం ద్వారా దేశంలోని సమస్యలు, దురాచారాలను వెలుగెత్తి చూపిస్తూ వాటి నిర్మూలన దిశగా ముందుకు సాగుతున్నాడు ఈ స్టార్ హీరో. స్టార్ టీవీలో ప్రసారం అవుతున్న ఈ కార్యక్రమానికి మంచి రెస్పాన్ వస్తోంది.