Don't Miss!
- News జగన్కు షాక్..పిఠాపురంలో వైసీపీకి భారీగా రాజీనామాలు
- Technology X ప్లాట్ఫాం ప్రీమియం ఫీచర్లను ఉచితంగా వినియోగించుకోవచ్చు.. వారికి మాత్రమేనని ఎలాన్ మస్క్ ప్రకటన!!
- Lifestyle First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Sports రసెల్కు భయపడి ఆ బౌలర్పై వేటు..KKRతో ఆడే RCB తుది జట్టు ఇదే!
- Automobiles సమ్మర్లో కార్లలో వీటిని అస్సలు ఉంచొద్దు.. లేదంటే ప్రమాదాన్ని కొని తెచ్చుకున్నట్లే.!!
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
జైలు నుండి వచ్చాడుగా, సంజయ్కి ‘పికె’ స్పెషల్ షో
హైదరాబాద్: యరవాడ జైలు నుండి రెండు వారాల సెలవుపై విడుదలైన సంజయ్ దత్ కోసం ‘పికె' చిత్రాన్ని ప్రత్యేకంగా ప్రదర్శించబోతున్నారట. ఈ విషయాన్ని ‘పికె' చిత్ర టీం స్పష్టం చేసింది. ‘పికె' సినిమాలో ముఖ్యమైన పాత్రలో నటించిన సంజయ్ దత్ షూటింగ్ తర్వాత జైలుకెళ్లాడు. దాంతో సినిమా ప్రమోషన్లలో కూడా పాల్గొనలేక పోయాడు. ప్రస్తుతం ఆయన జైలు నుండి బయటకు రావడంతో ముంబైలోని శాంతాక్రూజ్ థియేటర్లో ‘పికె' చిత్ర బృందంతో కలిసి కుటుంబ సమేతంగా సినిమా వీక్షించనున్నాడు.
1993 బాంబు పేలుళ్ల కేసులో సంజయ్ దత్ పూణెలోని ఎరవాడ జైలులో గడుపుతున్న సంగతి తెలిసిందే. అక్రమంగా ఆయుధాలు కలిగి ఉన్నాడనే అభియోగం రుజువు కావడంతో టాడా కోర్టు సంజయ్ దత్కు ఆరేళ్ల కారాగార శిక్ష విధించింది. టాడా కోర్టు తీర్పును సుప్రీంకోర్టు సమర్థిస్తూ శిక్షను మాత్రం ఐదేళ్లకు తగ్గించింది.
రెండు దశాబ్దాల క్రితం అతను 18 నెలల పాటు జైలులో ఉన్నాడు. దాంతో మిగిలిన 42 నెలలు సంజయ్ దత్ కారాగార శిక్ష అనుభవించాలని సుప్రీంకోర్టు మార్చి 21, 2013న తేదీన తీర్పు చెప్పింది. సంజయ్ దత్ గతేడాది మే 16, 2013న తేదీన ముంబై కోర్టులో లొంగిపోయారు. ఆ తర్వాత ఆయనను పూణేలోని యెరవాడ జైలుకు తరలించారు.
పికె సినిమా విషయానికొస్తే...అమీర్ ఖాన్, అనుష్క శర్మ, సంజయ్ దత్ ముఖ్య పాత్రలు పోషించిన ఈ చిత్రానికి రాజ్ కుమార్ హిరానీ దర్శకత్వం వహించారు. ఇటీవల విడులైన ఈ చిత్రం బాక్సాఫీసు వద్ద మంచి పెర్ఫార్మెన్స్ కనబరుస్తోంది. ఇప్పటికే ఈచిత్రం వసూళ్లు 100 కోట్లు దాటింది.