అమీర్ 'గజనీ' ఆమెకు టార్చర్

By Staff

| Published: Monday, November 3, 2008, 18:53 [IST]

గజనీ స్టిల్స్ అద్దిరిపోయారని అందరూ అంటూంటే ఒకావిడ మాత్రం ఇవి నా కర్మ కొచ్చాయి మొర్రో అని ఫీలవుతోంది. ఏం ఆవిడ ఆ స్టిల్స్ తో ఏం ప్లాబ్లమ్ అంటే పూర్తి కథ తెల్సుకోవాల్సిందే. మొన్న అమీర్ ఖాన్ తన గజనీ స్టిల్స్ మీడియాకి రిలీజ్ చేసాడు. అయితే ఆ స్టిల్స్ లో అమీర్ ఖాన్ బేర్ బాడీపై ఓ ఫోన్ నెంబర్ ఉంది. మురుగదాస్ అసెస్టెంట్ డైరక్టర్ నోటికొచ్చినట్లు రాసిన ఆ నెంబర్ ఆమెను ఇబ్బంది పెడుతోంది. ముంబయి కుంజు మార్గ్ లో ఉన్న సురేఖా వర్మ అనే డాక్టర్ నెంబర్ అది. తెలియక ఆమె నెంబర్ రాయటంతో ఆమెకు వరసలో ఫోన్ కాల్స్ వచ్చి పడుతున్నాయి.

మొదట్లో అర్ధం కాకపోయినా ఓ అరగంటకు ఆవిడకు అర్దం అయిందిట. దాంతో గత రెండు రోజులుగా ఆమె సెల్ కట్టేసి కూర్చుంది. ఇంకా చిరాకొచ్చి మీడియా ని పిలిచి తన ఆవేదన వెళ్ళగక్కింది. అయితే ఈ విషయం తెల్సుకున్న అమీర్ ఖాన్ మాత్రం సారీ..రాంగ్ నెంబర్ ఇచ్చాను. అని నొచ్చుకున్నాడుట అంతేగాక నాకే ఇప్పటికే దాదాపు తొమ్మది వందలు ఎస్.ఎం.ఎస్ లు వచ్చాయి ఆవిడ పరిస్దితి మరీ ఘోరంగా ఉండి ఉంటుంది అన్నాడు.అయినా ఉపయోగం ఏముంది. ఆమె సెల్ మ్రోగటం ఆగలేదు. పోనీ సిమ్ కార్డ్ మారుద్దామంటే ఆమె పేషెంట్స్ లో చాలా మందికి ఇరవైనాలుగు గంటలు ఆ నెంబర్ తోనే పని.