అమీర్ ఖాన్ దర్శకత్వంలో అమితాబ్

By Staff

Published: Friday, March 13, 2026, 22:38 [IST]

'తారె జమీన్ పర్' సూపర్ సక్సెస్ అవటంతో అమీర్ ఖాన్ మరో సినిమా డైరక్ట్ చేయటానికి ఉత్సాహంగా పనులు ప్రారంభించాడు. అయితే ఈ సారి సైన్స్ ఫిక్షన్ సినిమాతో ముందుకు రావాలని ప్లాన్ చేస్తున్నాడుట. అయితే ఈ సారి తీసే సినిమాతో అన్ని వర్గాలనూ ఆకట్టుకోవటానికే కాక అంతర్జాతీయ మార్కెట్ ని సైతం పట్టుకోవాలని చూస్తున్నాడుట. అందుకే భారి భారీ బడ్జెట్ తో ముందుకు వస్తాడట. అందుకోసం సమర్ధులు అయిన నటులు ఎవరూ అని ఆలోచిస్తే అతని మదిలో అమితాబ్ మెదిలాడుట. దాంతో ఫోన్ లో సంప్రదించాడని అతని సన్నిహితులు చెప్తున్నారు.

అయితే ఈ ప్రాజెక్టుకి అమితాబ్ ఇంకా గ్రీన్ సిగ్నల్ ఇవ్వలేదని తెలుస్తోంది. ఇక గతంలో అమితాబ్ చేసిన బ్లాక్ సినిమా గురించి అమీర్ ఖాన్ కాస్త గట్టిగానే నోరు చేసుకున్నాడు. అప్పటి నుంచి వారి మధ్య సంభంధాలు అంతంతమాత్రంగానే ఉన్నాయి. అయితే అమితాబ్ మాత్రం అదేమీ మనసులో పెట్టుకోక తారా జమీన్ పర్ సినిమాని బహిరంగంగానే పొగిడాడు. ఇప్పటికే అమితాబ్ షారూఖ్,సల్మాన్ ఖాన్ లతో చేసి ఉన్నాడు. అయితే ఈ కొత్త సినిమాలో అమీర్ ఖాన్ నటిస్తాడో లేదో తెలియదు. నటిస్తే మాత్రం ఆ ఇద్దరి కాంబినేషన్ చూడముచ్చటగా ఉంటుందని బాలీవుడ్ వర్గాలు చెప్పుకుంటున్నారు.

More from Filmibeat